Besimi i konsumatorit në ekonomi ka shënuar rritje këtë vit. Sipas vrojtimit të fundit të Bankës së Shqipërisë, ky nivel besimi po i afrohet mesatares asfatgjatë, duke u përmirësuar për të katertin muaj rresht.
Besimi konsumator u rrit 0.9 pikë përqindje në muajin Janar, duke qëndruar vetëm rreth 4 pikë nën mesataren historike. Rritja u ndikua nga pritjet më optimiste për situatën ekonomike e financiare, si dhe për blerjet në shuma të mëdha në të ardhmen.
Në rritje ndikoi edhe Treguesi i Ndjesisë Ekonomike, i cili shënoi 106.3 pikë. Rritja erdhi nga sektori sektori i shërbimeve dhe rritja e besimit konsumator.
Banka e Shqipërisë vëren se, treguesi i besimit në shërbime vijoi prirjen rritëse për të katërtin muaj rresht, duke u rritur me 4.3 pikë përqindje në Janar. Si rrjedhim, niveli i tij vijon të mbetet ndjeshëm mbi mesataren historike, rreth 13.2 pikë përqindje më lart. Rritja u ndikua nga vlerësimet pozitive për ecurinë aktuale të biznesit dhe për nivelin e kërkesës. Bizneset e shërbimeve nuk parashikojnë ndryshime të dukshëm në nivelin e punësimit, ndërsa presin një rritje të çmimeve në të ardhmen.
Në fushën e tregtisë, treguesi i besimit ra me 1.1 pikë përqindje, por mbeti më lartë se mesatarja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
