Britania autorizon vaksinën e Pfizer, vendi i parë në botë

Britania e Madhe bëhet vendi i parë në botë që zyrtarizon një vaksinë anti-Covid për përdorim masiv.

MHRA, rregullatori britanik i dha dritën jeshile duke deklaruar se vaksina, që ofron efektivitet deri në 95 për qind është e sigurtë për përdorim masiv. Pas këtij vendimi, BBC thotë se shpërndarja për grupet e riskut pritet të fillojë brenda pak ditësh.

Britania ka porositur 40 mln doza, që vlerësohen mjaftueshëm për të vaksinuar 20 mln njerëz. Porosia e parë prej 10 mln dozash pritet që të merret në dorëzim nga autoritetet brenda kësaj jave.

Vaksinimi do të nisë me mjekët, policët, pensionistët për të vijuar me personat me probleme shëndetësore dhe më pas pjesa tjetër. Me këtë autorizim, vaksina e Pfizer/BionTech hyn në histori si vaksina më e shpejtë e prodhuar dhe miratuar për përdorim. Ajo u zhvillua për 10 muaj, në një proces që në kohë normale mund të kërkojë deri 10 vite.

Pavarësisht këtij lajmi, autoritetet britanike u kanë bërë thirrje qytetarëve që të ruajnë vigjilencën, distancimin fizik, maskat dhe higjienën, pasi procesi i vaksinimit dhe imunizimit të popullsisë do të kërkojë disa muaj.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale