Britania e Madhe po bëhet gjithnjë e më pak konkurruese për firmat prodhuese. Një grup që përfaqëson sektorin e fabrikave paralajmëroi qeverinë për kostot e larta mbi firmat që prodhojnë makina, kimikate dhe të mira të tjerë në Britani.
Federata e punëdhënësve të inxhinierisë, që përfaqëson 5 mijë firma në sektorët e prodhimit, inxhinierisë dhe teknologjisë, deklaron se më pak kompani e shohin Britaninë si një vend konkurrues për prodhimin e të mirave. Ekonomia Britanike është rritur me një ritëm më të shpejtë se vendet e tjera të pasura në 2 vitet e fundit.
Por, rritja është nxitur nga sektori i shërbimit, ndërsa prodhimi ka ulur shpresat e qeverisë për një rimëkëmbje të nxitur nga eksportet. Kreu ekzekutiv i Federatës i bën thirrje qeverisë për të punuar në mënyrë aktive në industrinë që të zbusë rreziqet e të nxisë mundësitë për sektorin.
Analistët shohin presionet mbi kostot e biznesit si një rrezik të mundshëm të rritjes ekonomike këtë vit. Një rrezik tjetër shihen dhe lëvizjet mbi kursin e këmbimit, për shkak të vlerësimit të stërlinës në vitet e fundit. Kryeministri David Cameron ka premtuar së fundmi të riformojë lidhjet e Britanisë me Bashkimin Europian, përpara mbajtjes së referendumit mbi anëtarësinë në fund të 2017-ës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
