Brian Fanzo, folës në Spark.Me 2019. Zhvillues i podcasteve në teknologji e biznes, spiker ndërkombëtar


Brian Fanzo do të jetë mes spikerave të konferencës Spark.Me që do të mbahet në Tivat në Mal të Zi me 25-26 Maj. Brian është themelues i iSocialFanz, kompani që ka ndihmuar në nxitjen e strategjive dixhitale dhe influencuese me markat më të njohura në botë si Dell, EMC, Adobe, IBM, UFC, Applebees dhe SAP.

Brian vjen nga përvoja të ndryshme. Fillimisht ai ka punuar për Departamentin e Mbrojtjes së SHBA-ve në sigurinë kibernetike, më pas si një Evangjelist Teknologjik në lulëzimin e informatikës cloud. Sot ai është një marketer dixhital dhe një folës i rëndësishmë ndërkombëtar. Ai njihet për frymëzimin dhe mentorimin e bizneseve që të shfrytëzojnë zhvillimin e teknologjisë dhe marketingun dixhital – për të dalë nga zhurma dhe për t’u angazhuar me klientë të të gjitha moshave. Ai ka folur në eventet më të rëndësishme botërore, përfshirë SXSW, Social Media Marketing World, Consumer Electronics Show dhe Mobile world Congress.

Brian zhvillon dy podcast-e të teknologjisë dhe biznesit – FOMOFanz dhe SMACtalk. Gjatë viteve, filozofia e tij #ThinkLikeAFan ka fuqizuar historitë e fushatave të shumë prej kompanive të renditura në Fortune 50 si Periscope, Snapchat and Facebook Live.

Spark.me ka anuncuar tashmë pjesën më të madhe të folësve të konferencës dy ditore: Andrew Keen (autor best-seller ndërkombëtar dhe një nga komentatorët më të njohur në botë për revolucionin dixhital).

Anab Jain (një folëse e TED, dizajnere, regjizore dhe bashkë-themeluese e Superflux, një kompani për inovacionin, dizajnin dhe teknologjinë.), Peter Shankman (i shpallur pesë herë autor bestseller. Ai është ekspert i shërbimit ndaj klientit dhe sipërmarrës serial. New York Times e ka quajtur Peter “një rockstar që di gjithçka për mediat sociale.”

Jeremiah Owyang (konsiderohet si personi kryesor dhe zëri përfundimtar në programet e inovacionit të korporatave dhe ndër të tjera ka punuar me klientë siAdobe, Electrolux, Wells Fargo, Nestle, Cisco, Western Union, Visa, Colgate, Yum dhe Pepsi.), Tom Goodwin (Tom është zëvendës-president dhe kreu i inovacionit pranë Zenith Media, një nga agjencitë më të mëdha të medias në botë, ku ai ka për detyrë t’u paraprijë trendeve të reklamimit.) Cate Murden (themeluese e PUSH, një konsulencë biznesi e bazuar në sjelljen njerëzore. Ka punuar me klientë si Google, Facebook, Twitter, Yahoo, Saatchi & Saatchi, Havas, IMG, HSBC, Sainsbury’s, Vice e shumë të tjerë).

Konferenca është organizuar çdo vit që nga viti 2013, nga Domain.ME, një kompani private që është në ngarkim të domain-it kombëtar të internetit të Malit të Zi – .ME. Që atëherë, ajo u rrit nga një pikë takimi për disa dhjetra entuziastë të teknologjisë dhe geeks në një ngjarje të teknologjisë dhe marketingut për rajonin e Ballkanit dhe më gjerë. Vetëm në 2018, Spark.me mblodhi 580 pjesëmarrës nga 28 vende. Spark.me sjell histori nga zgjidhjet teknologjike më inovative, modele të reja të biznesit, strategji angazhimi të markave, iniciativa për ndryshimin e botës dhe bashkon së bashku biznesin, teknologjinë, udhëheqësit e inovacionit, marketerët, startup-et dhe geeks.

Ju mund të gjeni më shumë informacion në lidhje me konferencën në faqen zyrtare të Spark.me, në faqen në Facebook, në Twitter dhe në Instagram.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale