Brezat e rinj janë gati ta lënë punën nëse shefat i trajtojnë keq apo nuk ndihen të lumtur - Business Magazine Albania

Brezat e rinj janë gati ta lënë punën nëse shefat i trajtojnë keq apo nuk ndihen të lumtur

Të kesh një punë është pashmangshmëria groteske e jetës bashkëkohore në një shoqëri kapitaliste. Ne punojmë për të ngrënë, për të paguar qiranë dhe për të bërë gjëra argëtuese — dhe, aktualisht, duhet të bëjmë edhe më shumë për të mbijetuar me minimumin e nevojshëm. Sistemi është i prishur dhe ne të gjithë e dimë këtë.

Por prej tij vjen një lajm inkurajues: prioriteti i vetes nga Gjenerata Z. Një studim i ri nga Randstad, i publikuar në Business Insider, tregon se brezi i ri i sotëm do të linte shpejt një punë, ku është i pakënaqur, duke i lënë me gishtë në gojë shefat që e trajtojnë stafin e tyre si skllevër.

Ideja për të bërë kompromise për të marrë ose bërë punën është metodë e së shkaurës.

Sipas sondazhit të Randstad, 56% e Gjeneratës Z dhe Mijëvjeccarëve do të linin punën e tyre nëse kjo do t’i pengonte jetën e tyre personale, ose nuk do ta pranonin në radhë të parë nëse do të kishin probleme me politikën sociale ose mjedisore të kompanisë.

Lexo edhe: Ja çfarë i bën njerëzit të lumtur në punë, sipas shkencës 

Në një deklaratë, CEO i “Randstad”, Sander Noordende tha se “të rinjtë duan të vijnë plotësisht në punë, gjë që reflektohet në vendosmërinë e tyre për të mos kompromentuar vlerat e tyre personale kur zgjedhin një punëdhënës”. Pra, çfarë do të thotë kjo? Si fillim, është një tregues se dinamika e fuqisë ka ndryshuar. Duke qenë se ndryshimi është brezor dhe jo individual, mendësia jonë kolektive ka filluar t’i detyrojë punëdhënësit të zgjohen: nëse nuk mund të bëni askënd të përkulet ndaj kërkesave tuaja, do t’ju duhet të përkuleni në drejtim të kundërt.

Ekziston edhe faktori i shtuar i rreziqeve sociale në botë, që filloi si një lodhje mendore dhe fizike për shkak të pandemisë, konflikteve globale dhe katastrofës klimatike. Jeta për shumë prej nesh është shumë e shkurtër për t’u shpenzuar duke bërë punë që nuk duam t’i bëjmë. Në fakt, kursimi, ose përpjekja për të gjetur mënyra të tjera më pak shfrytëzuese për të financuar stilet tona të jetesës (ndoshta një justifikim për bumin e rrjetit social “OnlyFans”), është bërë gjithnjë e më tërheqëse ndërkohë. Dhe fatmirësisht, lumturia dhe kënaqësia janë shfaqur si prioriteti ynë kryesor.

i-D

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0