Nga Neritan Mullaj, Executive Director at the American Chamber of Commerce in Albania
Edicioni i 21-të i Raportit Ekonomia Transatlantike 2024 ka prodhuar një rezultat mbresëlënës dhe optimist. Ekonomia transatlantike, me një vlerë prej 8.7 trilion dollarësh, ka demonstruar një elasticitet jashtëzakonisht të lartë përballë sfidave globale ekonomike dhe strategjike. Kjo bën që tregu transatlantik të mbetet jo vetëm më i madhi, por edhe më i pasuri në botë. Kjo ekonomi përbën gjysmën e totalit të konsumit personal global dhe afër një të tretën e PBB-së botërore në përputhje me fuqinë blerëse.
Tregtia e mallrave mes SHBA dhe Evropës ka shënuar nivele rekord, duke arritur 1.22 trilion dollarë në vitin 2023. Kjo shifër është dyfishi i tregtisë së mallrave mes SHBA dhe Kinës, që ka qenë 575 miliardë dollarë, dhe 16% më e lartë se tregtia e mallrave mes BE dhe Kinës, që ka qenë 798 miliardë dollarë. Gjithashtu, Evropa tani është tregu kryesor eksportues i LNG- së për SHBA-në, duke përbërë mbi 60% të eksporteve, dhe njëkohësisht është furnizuesi kryesor i naftës për BE-në. Dërgesat e naftës nga SHBA-ja në Evropë kanë rritur me 82% që nga pushtimi i Ukrainës nga Rusia, ndërsa pjesa e importeve të naftës dhe produktet e naftës nga Rusia në Evropë ka rënë nën 4% në vitin 2023.
SHBA dhe Evropa vazhdojnë të jenë burime kryesore të investimeve të huaja direkte për njëra-tjetrën. Stoku i investimeve të SHBA-së në BE prej 2.7 trilion dollarë në 2022 ishte 21 herë më i madh se stoku i IHD-ve të SHBA-së në Kinë prej 126.1 miliardë dollarësh, ndërkohë stoku i investimeve të BE-së në IHD në SHBA ishte 2.4 trilion dollarë në 2022, 4% më shumë nga 2021. Studimi i kryer në 30 vende evropiane dhe 50 shtete të SHBA nga Daniel Hamilton dhe Joseph Quinlan në Institutin e Politikës së Jashtme ka nxjerrë një mesazh të fortë ekonomik dhe politik. Nuk ka dy rajone të tjera në botë të integruara ekonomikisht në mënyrë të ngjashme me SHBA-në dhe Evropën, duke bërë këto dy tregje të jenë më të rëndësishmet gjeoekonomikisht për njëra-tjetrën dhe të mbështetura fuqishëm në sfidat gjeopolitike që të dy ekonomitë përballen.
Shifrat e paraqitura në raport janë dëshmi e një historie suksesi dhe Dhomat Amerikane në Europë (ACE) kanë luajtur një rol kyç në fuqizimin e këtyre marrëdhënieve.
Për të lexuar raportin, ku mund të gjeni detaje të tjera të rëndësishme të këtij bashkëpunimi ekonomik, lexoni këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English