BMW, GM, Ford, Renault nisin blockchain research group për industrinë


Prodhuesit si BMW, General Motors, Ford dhe Renault janë emrat pas një grupi të ri të formuar pak ditë më parë. Qëllimi i grupit është që të eksplorojë mundësi të reja që blockchain mund të krijojë për industrinë automotive dhe transportin në përgjithësi.

MOBI (Mobility Open Blockchain Initiative) nisi javën që shkoi me 30 financues të tjerë si Bosch, Blockchain at Berkeley, Hyperledger, Fetch.ai, IBM and IOTA. Ky grup, ka 1 synim kryesor. Ta bëjë transportin më të sigurt, më të lirë, dhe më të aksesueshëm me anë të blockchain.

Blockchain ka padyshim potencialin që të ndikojë në shumë industri. Regjistrat dhe smart contacts veçanërisht, mund të ndryshojnë mënyrën se si organizatat dhe produktet përdorin dhe konsumojnë të dhënat.

MOBI gjithashtu tha se do të fokusohet në pagesat, kontrollin e të dhënave, zinxhirin e furnizimit, financimet, si edhe shërbimet e transportit.

Në fakt, nuk është hera e parë që një ose më shumë kompani automotive shfrytëzojnë blockchain. Toyota tashmë ka filluar kërkimet e saj. Renault nga ana e saj iu bashkua R3 blockchain Consortium që në shtator 2016. Daimler ndërkohë është pjesë e projektit Hyperledger nga Linux Foundation. Me MOBI, grupi i përbërë nga BMW, General Motors, Ford dhe Renault, është i fokusuar në hapësirën automotive dhe mundësitë potenciale, jo specifikisht në një pikë të caktuar.

“Blockchain dhe teknologji të ngjashme janë gati të ndryshojnë industrinë. Kjo, si konsumatorët blejnë, sigurojnë dhe përdorin makinat e tyre.” – u shpreh Chris Ballinger, CEO i parë i MOBI.

“Duke bashkuar prodhuesit e makinave, furnizuesit, startup-et, dhe agjensitë qeveritare, ne mund të përshpejtojmë adoptimin, për të mirën e biznesit, konsumatorëve dhe komunitetit.” – vazhdoi ai. Ai ka qënë me parë drejtor për shërbimet e lëvizjes pranë Toyota Research Institute.

Persona të tjerë me influencë janë pjesë e bordit të drejtorëve. Joseph Lubin, themelues i ConsenSys dhe bashkëthemelues i Ethereum. Gjithashtu edhe Brian Behlendorf, drejtor ekzekutiv i Hyperledger.

Burimi: TechCrunch

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale