Shefqet Kastrati dhuron 1.5 milionë euro për të dëmtuarit nga tërmeti
Përditësuar së fundmi: 28/11/2019

Biznesmeni Shefqet Kastrati, dhuron 1.5 milionë euro për të dëmtuarit nga tërmeti

Share
nga Eridon Elshani
Nën 28, 2019
-Manages Business Mag Kosovo
lexo me teper >

Biznesmeni i njohur Shefqet Kastrati ka dhuruar 1.5 milionë euro për të dëmtuarit nga tërmeti në Shqipëri.

Ai ka bërë të ditur se të gjitha automjetet që kalojnë nëpër Rrugën e Kombit për qëllime humanitare në këtë periudhë do të jenë të liruara nga pagesa.

Postimi i plotë i Kastratit:

“Tragjedia Shqiptare më ka tronditur thellësisht mua dhe familjen time, bashke me vëllezerit e mi.

Jemi munduar të ndihmojmë e të lehtësojmë sa mundemi këto ditë. Si gjithnjë – pa zhurmë.

E kam dhënë në çast urdhërin e mosmarrjes së asnjë kokërr leku nga askush që ka kaluar nëpër Rrugën e Kombit për ndihmë.

Pa bërë asnjë publicitet, sepse gjithmonë kam ecur me parimin: “Kur ndihmon një rob të Zotit në nevojë, duhet ta shohë veç ai lart!”.

Unë dhe familja ime kemi ndarë 1.5 milionë euro që kjo dhimbje e madhe që të lehtësohet sado pak.

Vendosëm ta bëjmë publik kontributin tonë për familjet e tërmetit vetëm që t’i bëjmë thirrje atyre që kanë më shumë se të tjerët: Kjo s’është dita të kursejë asgjë shqiptar që ka shumë për shqiptarin që ka humbur gjithçka!

Ngushëllime familjarëve që humbën njerëz në këtë katastrofë dhe Zoti i Madh qoftë me Shqipërinë e plagosur!”.



Evente