Biznesi ngel në vend, më pak se një e treta përdorin kompjuterët


Edhe pse shumica e ndërmarrjeve ekonomike në Shqipëri janë të pajisura me kompjuter, numri i punonjësve që e përdorin atë është i ulët.

Një vrojtim i Institutit të Statistikave, i kryer në ndërmarrje me mbi 10 të punësuar, tregon se më shumë se 95% e tyre janë të pajisur me kompjuter për qëllime pune. Por, punonjësit që e përdorin përbëjnë vetëm 28%.

Në një masë më të madhe, kompjuterat janë përdorur nga punonjësit e ndërmarrjeve që kanë aktivitet në fushën e informacionit dhe komunikacionit, me 71.1%, pasuar nga shërbimet administrative dhe mbështetëse me 64.6%, si dhe punonjësit në aktivitetet profesionale, shkencore dhe teknike me 61.7%.

Përqindja më e ulët vërehet në aktivitetin e industrisë përpunuese, me 8.6%, dhe në aktivitetin e ndërtimit, me 16.8%.

Ndërkohë, përqindja e ndërmarrjeve që kanë qasje në internet vazhdon të rritet. Sipas INSTAT-it, 96.8% e ndërmarrjeve që përdorin kompjuterin kanë qasje në internet, përqindje kjo pak më e ulët krahasuar me mesataren e vendeve të BE-së, 97%.

burimi: Top-Channel

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale