Çdo sipërmarrës që dorëzon deklaratë të pasaktë, do të gjobitet sa 0.06% e detyrimit të papaguar për çdo ditë gjatë së cilës pagesa nuk është kryer, sipas Drejtorisë së Përgjithshme të Tatimeve.
Ekspertët e tatimeve kërkojnë të bëhet kujdes me plotësimin e deklaratave, pasi çdo deklaratë tatimore që nuk është e plotësuar me të dhënat reale financiare të subjektit apo që ka gabime aritmetike do të konsiderohet automatikisht e pasaktë.
Për më tepër, nëse provohet se këto pasaktësi janë bërë qëllimisht nga biznesi, atëherë ky do të konsiderohet evazion fiskal dhe pasohet nga gjoba më të rënda deri në ndjekje penale.
Lexo: Tatimet publikojnë ndryshimet e taksave kombëtare
Të gjitha këto masa ndëshkimore janë parashikuar në ligjin për procedurat tatimore. Ndërkohë, tatimet i bëjnë thirrje bizneseve që të mbajnë në mënyrë korrekte dokumentacionin tatimor që kërkohet nga ligji, përfshirë regjistrat, librat e shitjes dhe ato të blerjes, pasi në të kundërtën do të ndëshkohen me gjobë.
Kufiri aktual i xhiros për kalim në TVSH është 2 milionë lekë në vit, nga 5 milionë që ishte më parë. Ëdo biznes me këtë nivel xhiro, duhet të deklajë ëdo tre muaj deklaratën tatimore. Kjo është një përvojë e re për sipërmarrjet me mbi 2 milionë lekë xhiro dhe rrjedhimisht edhe me një rrezik më të lartë në gabime.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
