Bitcoin vendos rekorde të reja, Tesla investon 1.5 mld dollarë në kriptomonedhë

Tesla njoftoi se ka investuar 1.5 miliardë dollarë në Bitcoin duke ndikuar në rritjen e vlerës së tij. Në bilancin vjetor, Tesla tregoi se e bëri këtë investim te madh për të rritur masën e fitimit dhe për t’i marrë ato fitime nga burime të ndryshme dhe pritet që së shpejti të pranojë pagesa të kryera me këtë kriptomonedhë për makinat dhe produktet e tjera të saj.

Sipas Tesla, vendimi është pjesë e politikës së gjerë të investimit që kompania ndjek dhe ka për qëllim të diversifikojë dhe maksimizojë të ardhurat në cash. ‘’Ne investuam totalin prej 1.5 mld  pikërisht për këtë arsye dhe do të posedojmë ‘’pasurinë digjitale’’ për një kohë të gjatë,’’- thuhet në bilanc.

LEXO: A do të jetë 2021, viti premtues për Bitcoin dhe kriptovalutat?!

Lajmërimi vjen dy javë pasi shefi ekzekutiv i kompanisë, Elon Musk inkurajoi investitorët të blenë Bitcoin dhe monedhën digjitale Dogecoin, si dhe aksione në zinxhirin amerikan të videolojërave, GameStop. Ky lajm vendosi një rekord të ri për Bitcoin me vlerë 44.100 dollarë . Bitcoin ka qenë në rritje dhe e nëntëfishoi vlerën e tij që nga rënia që pësoi Marsin e kaluar, edhe pse ekziston frika e një ‘’flluske’’ në kriptomonedhë. Monedha digjitale më e madhe në botë regjistroi një rritje prej 10% në bursë, duke vendosur një shifër rekord mbi 44 mijë dollarë.

Analistët e konsiderojnë këtë lëvizje nga Tesla si domethënëse, pasi mund të ndryshojë rrjedhën e zhvillimit të Bitcoin. ‘’Investitorët dhe industritë do të shikojnë nëse kompanitë do të ndjekn rrugën e Tesla dhe PayPal e do t’ju bashkohen apo do të qëndrojnë vetëm këto emra në fushën e kriptomonedhës,’’- tha analisti Wedbush.

Në këtë mënyrë Tesla bëhet përdoruesja më  e re e Bicoin pas PayPal dhe disa kompanive me produkte shtëpiake.  Ekspertët mendojnë se njoftimi i Tesla-s do të nxisë dge kërkesat nga kompani të tjera.

BLOOMBERG

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale