Bill Gates shkruan: Ne mund t'i japim fund varfërisë në 2030

Bill Gates shkruan: Ne mund t’i japim fund varfërisë në 2030

~4 minuta lexim


Bill Gates nuk është vetëm njeriu më i pasur në botë, por ai duket se është dhe më optimisti.

Ai ka publikuar një ese mbi përpjekjet globale për t’i dhënë fund varfërise deri në vitin 2030. Ai ka besim se është e mundur arritja e një sfide të tillë.

“Ka arsye të forta për të qenë optimist për progresin mbi pabarazinë,” shkruan ai. Bill Gates publikoi esenë nga Davos, Zvicër, ku po mbahet Forumi Ekonomik Botëror.

Gates tregon se shumë gjëra kanë ndryshuar këtë shekull. Vdekjet në lindje, vdekjet e fëmijëve nga malaria dhe varfëria janë përgjysmuar. Falë Fondit Global, një projekt i mbështetur nga Fondacioni Gates, ka shpëtuar 17 milion jetë nga malaria, SIDA dhe tuberkulozi.

Progrese të tilla na japin guxim të besojmë se për 14 vjet, varfëria mund të zhduket. Ky është një gur themeli në planin e Qëllimeve Globale, që është nënshkruar nga 193 shtete të Kombeve të Bashkuara në Shtator.

“Ne jemi besimplotë që kjo nuk është thjesht e mundur, por do të shohim ndryshime të mëdha gjatë rrugës, të cilat do ju krijojnë mundësi të shumta vendeve të varfra. Me të vërtetë ne besojmë se jeta e të varfërve do të përmirësohet shpejt gjatë këtyre 15 viteve më shumë se në çdo periudhë tjetër të historisë,” shkruan Bill Gates.

Njerëzit duhet të punojnë bashkë për të luftuar sëmundjet infektuese që godasin më fort të varfërit. Trajtimi i grave dhe vajzave në botë duhet të përmirësohet ndjeshëm.

“Ato kanë nevojë për një përkujdesje shëndetësore më të mirë, veçanërisht në planifikimin familjar, mundësitë ekonomike, vendimarrjen mbi jetët e tyre dhe më shumë përfaqësim në shoqëri dhe publik,” thotë ai.

Vendet e varfra duhet të kenë qasje më të mira në teknologji. “Zhvillimet shkencore dhe teknologjike, duke filluar nga vaksinat e reja deri tek telefonat e zgjuar dhe tabletat më të lira, janë ndër faktorët kryesorë që do të luftojnë varfërinë,” tha Bill Gates.

Ai është i zhgënjyer nga niveli i fondeve për kërkimet shkencore  dhe zhvilluese për teknologjinë që do të ndihmojnë të varfërit. Thelbi i esesë së tij është dëshira që samiti i G7-ës që do të mbahet në Japoni gjatë muajit Maj të bjerë dakort për dyfishimin e kërkimeve shkencore dhe zhvilluese duke filluar nga 2020.

Bill Gates gjithashtu tregon të tjera përfitime nga eliminimi i varfërisë deri në 2030. Problemet si emigrimi dhe terrorizmi do të jenë një problem i të shkuarës.

/TechInsider/

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Dija është fuqi vetëm kur përdoret.”
— Dale Carnegie
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0