Varianti i omicron i covid aktualisht po përshkon SHBA-në dhe pjesën tjetër të botës me ritme rekord, por Bill Gates sheh shpresë në horizont.
Sapo të zvogëlohet rritja e rasteve aktuale të infektuara, do të shohim “shumë më pak raste” gjatë pjesës tjetër të vitit 2022, shkruante Gates në Twitter. Sapo të ndodhë kjo, vazhdoi Gates, Covid ka shumë të ngjarë “të trajtohet më shumë si grip sezonal”.
Bashkëthemeluesi i Microsoft, nuk është i pari që bën këto parashikime. Disa ekspertë thonë se përhapja e shpejtë e omicron, megjithëse sigurisht e rrezikshme, mund të furnizojë njerëzit me të ashtuquajturin “imunitet natyror” për të ndihmuar që pandemia e Covid të khehet në një fazë “endemike” shumë më pak të rëndë.
Lexo edhe: CEO i Pfizer e konfirmon: Vaksina e Omicron do të jetë gati në mars
Gates shtoi se, sapo Covid të bëhet endemi, “mund të na duhet të bëjmë vaksina vjetore njësoj si vaksinat vjetore të gripit.”
SHBA raportoi një rekord prej 1.5 milion rastesh të reja me Covid të hënën, ndërsa raportoi gjithashtu një rekord të ri për shtrimet në spital. Por Dr. Anthony Fauci, këshilltari kryesor mjekësor i Presidentit Joe Biden, ka parashikuar që vala aktuale e rasteve me omikron do të arrijë kulmin në SHBA deri në fund të janarit. Dhe javën e kaluar, Qendrat për Kontrollin dhe Parandalimin e Sëmundjeve thanë se pritet një “rënie drastike” në rastet e infektuara pasi të kalojë omicron.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
