CEO i Pfizer, Albert Bourla, konfirmoi sot se një vaksinë që synon të luftojë variantin omikron të Covid do të jetë gati në mars dhe kompania tashmë ka filluar prodhimin e dozave.
“Kjo vaksinë do të jetë gati në mars,” tha Bourla për “Squawk Box” të CNBC. “Ne kemi filluar tashmë prodhimin e disa prej këtyre sasive.”
Bourla tha se vaksina do të synojë gjithashtu variantet e tjera që qarkullojnë. Ai tha se ende nuk është e qartë nëse nevojitet apo jo një vaksinë omicron ose si do të përdoret, por Pfizer do të ketë disa doza gati pasi disa vende e duan gati sa më shpejt të jetë e mundur.
“Shpresa është që ne do të arrijmë diçka që do të ketë një mbrojtje shumë më të mirë veçanërisht kundër infeksioneve, sepse mbrojtja kundër shtrimeve në spital dhe sëmundjes është e arsyeshme tani, me vaksinat aktuale për sa kohë që ju keni marrë dhe dozen e tretë”, tha Bourla.
Të dhënat nga Mbretëria e Bashkuar kanë treguar se vaksinat e Pfizer dhe Moderna janë vetëm rreth 10% efektive në parandalimin e infeksionit simptomatik nga omicron 20 javë pas dozës së dytë, sipas studimit nga Agjencia e Sigurisë Shëndetësore në Mbretërinë e Bashkuar. Megjithatë, dy dozat origjinale ende ofrojnë mbrojtje të mirë kundër sëmundjeve të rënda, zbuloi studimi.
Sipas studimit, vaksinat përforcuese janë deri në 75% efektive në parandalimin e infeksionit simptomatik.
Kryekëshilltari mjekësor i Shtëpisë së Bardhë, Dr. Anthony Fauci, tha në dhjetor se nuk ka nevojë për një vaksinë përforcuese që synon në mënyrë specifike omicron, sepse përforcuesit aktualë funksionojnë mirë kundër variantit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English