“Ka qenë një nder dhe privilegj i jashtëzakonshëm për mua të punoj me të dhe të mësoj nga Billi ndër vite”, tha CEO i Mirosoft, Satya Nadella, në një deklaratë të shkruar.” Microsoft do të vazhdojë të përfitojë nga pasioni dhe këshillimi teknik i vazhdueshëm i Billit për të drejtuar produktet dhe shërbimet tona përpara . Unë jam mirënjohës për miqësinë e Billit dhe mezi pres që të vazhdojmë të punojmë së bashku me të, për të realizuar misionin tonë për të fuqizuar çdo person dhe çdo organizatë në planet për të arritur më shumë “.
Gates do të vazhdojë të shërbejë si këshilltar i teknologjisë për Nadella dhe drejtuesit e tjerë të Microsoft, tha kompania.
Berkshire Hathaway tha se ish-CEO i American Express, Kenneth Chenault, do të zëvendësonte Gates, i cili ka shërbyer në bordin e Berkshire që nga viti 2004. Chenault njëkohësisht po largohet nga bordi i drejtorëve të Facebook, konfirmoi ndërmarrja. 68-vjeçari ka shërbyer në bordin e Facebook që nga viti 2018, pas daljes në pension të tij si drejtor i përgjithshëm dhe CEO i AMEX.
Në një deklaratë të shkruar, të postuar në faqen e tij në Facebook, Chenault tha se shërbimi në bordin e Berkshire Hathaway dhe bashkëpunimi i ngushtë me mikun e tij, Drejtorin e Përgjithshëm të Berkshire, Warren Buffett, është “një mundësi që të vjen një herë në jetë”. “Unë gjithashtu besoj se qeverisja e mirë korporative përfshin kufizimin e numrit të angazhimeve të bordit për çdo drejtor,” tha Chenault.
Lexoni: Fondacioni Gates, Mastercard dhe Wellcome bashkohen për të krijuar ilaçet ndaj koronavirusit
Me një pasuri neto prej mbi 100 miliardë dollarë, Gates është personi i dytë më i pasur në botë pas Jeff Bezos të Amazon, sipas Indeksit të Bloomberg Billionaire. Ai ka punuar në nismat globale të shëndetit, zhvillimit industrial dhe arsimit përmes fondacionit Bill dhe Melinda Gates, që nga kalimi i detyrave të përditshme të Microsoft në 2008. Roli i Gates si kryetar i bordit të Microsoft përfundoi në vitin 2014. Ai planifikon të bëjë më shumë punë për të zgjidhur ndryshimet e klimës, sipas kompanisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
