Biletat e avionëve më të lira se asnjëherë nga Rinasi, 15-20 euro drejt Vjenës e Milanos - Business Magazine Albania

Biletat e avionëve më të lira se asnjëherë nga Rinasi, 15-20 euro drejt Vjenës e Milanos


Shkruar nga Monitor

Për shumë vjet, ata që u duhej të udhëtonin, shpesh kanë zgjedhur të shkojnë në vendet fqinje për të marrë avionin. Shkupi, Podgorica dhe Prishtina ishin alternativa për të kursyer para, ndonëse duke marrë parasysh kohën e humbur dhe shpenzimet e udhëtimit deri aty, leverdia nuk ishte shumë e madhe.

Por, muajt e fundit, çmimet e biletave ajrore janë ulur ndjeshëm dhe në Shqipëri. Hyrja e dy operatorëve të mëdhenj low cost, Wizz Air dhe Easyjet, zgjerimi i destinacioneve të operatorëve ekzistues dhe shtimi i konkurrencës, ka bërë që çmimet e biletave të bien ndjeshëm.

Destinacioni që ka shënuar uljen më të madhe është Vjena. Vetëm një orë e pak fluturim, përmes Austrian Airlines, që deri në dhjetor kishte monopolin e kësaj rruge, kushtonte mesatarisht mbi 200 euro vajtje-ardhje. Nga dhjetori ka filluar fluturimet Wizz Air. Nëse kërkon me këtë linjë, mund të gjesh bileta edhe 15 euro në një drejtim, psh në datën 14 maj, apo 27 euro në 27 maj. Bileta më e shtrenjtë në një drejtim është rreth 44 euro me këtë operator, drejt Vjenës. Mesatarisht një bileta vajtje-ardhje e gjen me rreth 50-60 euro, nëse e pret disa muaj përpara.

Po me Wizz Air, i lirë është dhe Budapesti, me vajtje 20-30 euro dhe kthim 30-40 euro. Wizz Air ka nisur fluturimet dhe drejt destinacioneve italiane, ku po në muajin maj, mund të gjesh bileta drejt Milanos (Bergamo) me 15 euro vajtje dhe 24 kthim. Në qershor bileta shtrenjtohet në 25-30 euro një drejtim.

Lexo: Nisin fluturimet direkte Tel Aviv -Tiranë

Easyjet është operatori tjetër që ka filluar fluturimet nga Rinasi. Edhe me këtë operator drejt Milanos (Malpensa) mund të gjesh bileta që fillojnë nga 19 euro, në një drejtim. Kthimi është rreth 30-34 euro, pra një biletë vajtje-ardhje mund ta gjesh me 50-60 euro. Në periudhën e verës çmimet shtrenjtohet, por sërish mbeten më të lira se më parë, me rreth 50 euro vajtje e 80 kthim në fillim gushti (kujtojmë që në verë biletat nga Italia fluturonin edhe mbi 200 euro në një drejtim). Easyjet operon me fluturime direkte dhe drejt Gjenevës, ku në maj mund të gjesh biletë vajtje me 18 euro, por kthimi është më i shtrenjtë, rreth 65 euro.

Me operatorët ekzistues, Italia është më e shtrenjtë. Me Blue Panorama, në maj gjen bileta në një drejtim me minimumi 60 euro në një drejtim dhe kthim po rreth 60 euro, sa dyfishi i operatorëve të rinj low cost. Me Air Albania, po drejt Milanos, bileta është rreth 50 euro në një drejtim, ose 100 euro vajtje-ardhje.

Më e lirë është dhe Gjermania. Alba Wing ka fluturime drejt Hamburg dhe në maj, bileta është rreth 65 euro në një drejtim. Drejt Frankfurtit, po me këtë operator gjen bileta me 50 euro vet

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0