"Besimi" në botën digjitale - Business Magazine Albania

“Besimi” në botën digjitale

botë digjitale

Koncepti i besimit në botën digjitale siç e kemi njohur ka ndryshuar në mënyrë të pakthyeshme. Sot çdo organizatë e ndjeshme duhet të provojë çdo ditë se meriton besimin e klientëve të saj, duke filluar nga pika zero.

Nga Ioannis Solomakos, Drejtues i Sigurisë i Huawei në Ballkanin Jugor

Që nga fillimi i Pandemisë, bota jonë ka ndryshuar ndjeshëm dhe shumica e bizneseve duhej të përshtateshin me normalitetin e ri duke hedhur hapa të mëdhenj drejt rrugëtimit të tyre të digjitalizimit. “Puna nga shtëpia” është bërë një “zyrë e përhershme në shtëpi”, videokonferencat e rastësishme pothuajse kanë zëvendësuar takimet ballë për ballë dhe kënaqësia e të pasurit platforma virtuale të shërbimit ndaj klientit është bërë normë.

Në këtë udhëtim të papritur e të shpejtë ka pasur shumë ekspertë që kanë vënë në dukje rëndësinë e zgjedhjes së zgjidhjeve digjitale që sigurojnë gjithashtu sigurinë kibernetike. Kontributi i teknologjisë në krijimin e vlerës dhe cilësinë e jetës vetëm do të rritet, por këto kontribute do të mbeten me vlerë për ne vetëm nëse mund t’i besojmë sigurisë rreth tyre. Për këtë qëllim, kompleksiteti i lartë i sistemeve dhe logjistikës së përfshirë sfidon zinxhirin e furnizimit në mbajtjen e të dhënave të mira të sigurisë, dhe ky është një rrezik që nuk mund të anashkalohet nga askush.

Lexo: Je një startup që do të rrisësh kapitalin? Apliko në Startup Academy

Supozimet në lidhje me sigurinë mund të kenë pasoja të mëdha

Historikisht, kërcënimet e sigurisë kanë dëshmuar se ato nuk duhen marrë lehtë dhe se duhet të përqafohen masat e duhura paraprake nga të gjitha palët e përfshira në zinxhirin e furnizimit. Shembujt e subjekteve që “ndiheshin” të sigurt në domenin kibernetik vetëm për të paguar çmimin e supozimeve të tyre më pas janë të shumtë dhe ato variojnë nga më të voglat tek ato më të mëdhatë. Por qëllimi këtu nuk është të drejtojmë gishtin drejt entiteteve fatkeqe ose pa imagjinatë. Çështja është të sigurohet që askush tjetër nuk do të bjerë në grackën e supozimeve kur bëhet fjalë për sigurinë. Shembujt e entiteteve të padyshimta e të kompromentuara nëpërmjet një sërë metodash dhe teknikash të ndryshme që dolën në dritë vetëm pas dëmtimit është e vetmja provë që na nevojitet në lidhje me rëndësinë e titullit të këtij nënseksioni.

Furnizuesit duhet të tregojnë se janë të denjë për besim

Në botën e sotme komplekse, aftësia dhe vullneti i një furnizuesi për të qenë dhe për të qëndruar transparent kur bëhet fjalë për çështjet e sigurisë bëhet një parakusht kryesor në ruajtjen e sigurisë në zinxhirin e furnizimit. Teknologjia përmban dobësi, pavarësisht se nga e ka marrë burimin, një fakt që e bën edhe më të rëndësishëm mbajtjen e fokusit të vazhdueshëm në gjetjen dhe bllokimin e këtyre vrimave të sigurisë. Prandaj, një furnizues i përgjegjshëm duhet të lehtësojë testimin dhe verifikimin në mënyrë që të demonstrojë se ruhet siguria e duhur në produktet dhe shërbimet e tyre duke siguruar që klientët të fitojnë besimin e tyre duke qenë në gjendje të shqyrtojnë dhe sfidojnë këto veçori dhe deklarata të sigurisë në çdo hap të rrugës.

Një qasje “Zero Besim” kërkon që furnitorët të “fitojnë” besimin

Duke vendosur një qasje “Zero Besim” si bazë për vendosjen e bashkëpunimit, klientët nuk duhet të shqetësohen për cilësitë subjektive të një furnizuesi, sepse të gjithë furnitorët në grup trajtohen njëlloj si të pabesueshëm në fillim. Ata duhet të ngjiten në shkallën e besimit të klientit duke punuar shumë për të përmes standardeve të pranuara përgjithësisht nga industria, standardet teknike dhe certifikimet. Kjo qasje do të jetë gjithashtu e vlefshme në krijimin e një konkurrence të drejtë dhe të shëndetshme midis furnitorëve, do të kontribuojë ndjeshëm në qëndrueshmërinë operacionale të çdo klienti dhe do të ngurtësojë infrastrukturat ndaj shqetësimeve operacionale në rast se ndodh diçka e papritur. Dhe nëse ka diçka që na kanë mësuar vitet e fundit, është të përgatitemi për të papriturat.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0