Aplikacioni i mediave sociale BeReal po kalon një moment suksesi. Ai është një aplikacion për ndarjen e fotografive që u dërgon përdoruesve një kërkesë ditore (në një kohë të ndryshme çdo ditë) për të marrë dhe ndarë shpejt një imazh në kohë reale. BeReal është aplikacioni më i shkarkuar në kategorinë e rrjeteve sociale të Apple App Store. Dhe është i shtati më i popullarizuari në Google Play.
Gjithë ky sukses po tërheq vëmendjen e gjigantëve të tjerë socialë, të cilët po nxitojnë shpejt të krijojnë versionet e tyre të BeReal për të shmangur humbjen e përdoruesve. TikTok, i cili, në vetvete, është imituar disa herë nga konkurrentët (përfshirë Instagram dhe YouTube), është i fundit që klonoi konceptin.
“TikTok Tani” ju fton ju dhe miqtë tuaj të kapni atë që po bëni në këtë moment duke përdorur kamerën e përparme dhe të pasme të pajisjes suaj”. -tha kompania në një deklaratë. “Do të merrni një kërkesë të përditshme për të kapur një video 10 sekondash ose një foto statike për të ndarë me lehtësi atë që jeni duke bërë.”
TikTok nuk është i pari që merr idenë e BeReal . Muajin e kaluar, doli lajmi se Meta po punonte në Candid Challenges për Instagram, i cili ndjek formulën e ndryshimit të përditshëm dhe të menjëhershëm. Një zëdhënës konfirmoi funksionin për Fast Company , duke thënë, “Kjo veçori është një prototip i brendshëm dhe nuk testohet nga jashtë”.
Lexo: Varësia nga “lajmet e këqija”. Studiuesit thonë se po ju dëmton shëndetin mendor dhe fizik
BeReal është shkarkuar më shumë se 20 milionë herë që nga debutimi i tij. Imitimi mund të jetë forma më e lartë e vlersimit, por në botën e korporatave, ai mund të jetë gjithashtu një pengesë ndonjëherë e pakapërcyeshme. Pra, a do t’i japë fund trajektores së rritjes së BeReal lëvizja e TikTok dhe një e mundshme nga Meta?
BeReal ngriti katërfishoi të ardhurat duke çuar vlerësimin e saj në më shumë se 600 milionë dollarë, sipas Business Insider . Sigurisht ky bilanc nuk është i krahasueshëm me Meta ose TikTok, por nuk janë as të parëndësishme.
BeReal ka një bazë besnike përdoruesish, por duke pasur parasysh se sa shpejt kompanitë e mëdha të teknologjisë miratojnë (ose kopjojnë plotësisht) risitë popullore, mund të jetë gjithnjë e më e vështirë për kompanitë në rritje që të fitojnë dhe të mbajnë një mbështetje në treg. Fastcompany
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto