Beko, lideri europian i elektroshtëpiakeve të mëdha dhe Neptun, distributori kryesor i Beko-s në Shqipëri, organizojnë turin e ardhshëm rajonal “Ha si kampionët”, përmes të cilit shoqëria po lufton obezitetin e fëmijëve.
Me këtë rast, Beko do t’i dorëzojë Shtëpisë së Fëmijës “Zyber Hallulli” një dhurim që ka për qëllim të përmirësojë kushtet e jetesës në këtë institucion përmes ofrimit të disa pajisjeve elektroshtëpiake. Aktiviteti do të zhvillohet nga ora 14:00 deri në orën 21:00, në sheshin Skënderbej, ndërsa dhurimi do të dorëzohet në orën 16:00.
Në aktivitet do të jetë i pranishëm një nga master shefat më të mirë, Renato Mekolli, që do të përgatisë disa pjata shumë të shijshme.
Në shkallë botërore, platforma “Ha si kampionët” synon të tërheqë vëmendjen lidhur me rëndësinë e ushqyerjes së shëndetshme, sidomos në rastet kur çrregullimet në ushqyerje të fëmijëve janë një problem gjithmonë e më serioz. Qëllimi është krijimi i zakoneve të shëndetshme të ngrënies si një themel i shëndoshë për fëmijët, që ata të hanë dhe rriten në mënyrë të shëndetshme.
Përveç aktiviteteve zbavitëse, ju do të keni mundësinë të shihni dhe provoni linjën e re të pajisjeve inkaso dhe të veçuara të Beko dhe Grundig. Gjatë ditës, përfaqësuesit do të jenë të pranishëm dhe në dispozicion për çdo pyetje ose thjesht për pak zbavitje të shëndetshme.
Bashkohuni për të ndërgjegjësuar publikun për rëndësinë e ushqyerjes së shëndetshme për fëmijët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English