Dita ndërkombëtare kushtuar pastrimit, ka nxitur një prej kompanive më të mëdha të pastrimit në vend të ndërmarrë një fushatë mbarëkombëtare.
AlbPastrim ka iniciuar nismën e pastrimit të ambientit, që synon të përfshijë shumë sipërmarrje e individë. Me 21 Shtator, AlbPastrim, në bashkëpunim me AlbAcademy dhe AlbSolution, kanë vendosur të nisën pastrimin në Pezë e Madhe.
Kompania ju fton të bëheni pjesë e nismës, për t’u angazhuar në pastrimin e ambientit në zonën tuaj.
Valbona Begolli, themeluese e AlbPastrim thotë se, “Nisma synon në ndërgjegjesimin e sipërmarrjeve, punonjësve dhe qytetarëve për të mbajtur ambientin e pastër. Akti i thjeshtë i pastrimit duhet të bëhet një forcë që lidh së bashku njerëzit dhe grupet në bashkëpunim dhe ndërgjegjësim për një ambient më të pastër”.
Sipas saj, fuqia që jep bashkimi i njerëzve në të gjithë vendin mund të sigurojë arritje të pabesueshme. Thelbi qëndron në sensibilizim dhe bashkëpunim.
“Fushata starton në Pezë. Por, pjesë e nismën mund të bëhen sipërmarrje e organizata të ndryshme. Çdo nismë që do të shtrihet në zona të tjera, AlbPastrim e mbështet me qese dhe doreza”, tha Begolli.
Objektiv parësor është pastrimi i plazheve, lumenjve, pyejeve dhe rrugëve tona. Çdonjëri në planet, e quan shtëpi vendin e tij, ndaj duhet të përfshihemi dhe të kontribuojmë që shtëpinë ta bëjmë një vend më të mirë.
Sipërmarrësit apo indivitët e interesuar mund të kontaktojnë [email protected]
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
