Bëhu edhe ti "Babagjyshi Sekret", bëj dikë të lumtur - Business Magazine Albania

Bëhu edhe ti “Babagjyshi Sekret”, bëj dikë të lumtur

Babagjyshi Sekret

Ardhja e periudhës më të bukur të vitit sjell bashkë me zbukurimet e dritat, edhe iniciativat për të plotësuar dëshira që për 11 muaj të vitit nuk kanë pasur mundësi të bëhen realitet.

Pikërisht, për këtë ka menduar projekti “Babagjyshi Sekret”, që për 6 vite radhazi tashmë pret biletën e Babagjyshit nga Poli i Veriut drejt e në Shqipëri, dhe synon të intensifikojë atmosferën festive duke dërguar buzëqeshje pikërisht tek ata, për buzëqeshjen e të cilëve, shoqëria jonë ka më shumë nevojë.

Të gjithë fëmijët nga mosha 6 – 14 vjeç mund të shkruajnë me dorë një letër, ku kërkojnë një dëshirë të tyren dhe ta dërgojnë nëpërmjet filialit të postës shqiptare më të afërt në adresën: Babagjyshi, Poli i Veriut.

Nga ana tjetër, me marrjen e letrave të fëmijëve nis thirrja e të gjithë personave të njohur e të panjohur që duan të jenë për fundvit Babagjyshë Sekretë dhe të plotësojnë dëshirat e një apo më shumë letrave që vijnë në adresë të Babagjyshit, të cilat mund t’i gjejnë në Çorapen e Letrave në faqen: www.babagjyshisekret.al.

Kështu, të gjithë ata që duan të jenë Babagjyshë të Vitit të Ri për një ditë, kanë tashmë mundësinë të jenë të tillë dhe të bëjnë dikë të lumtur!

Babagjyshi me mish e shpirt, mund të jesh ti.

Mund të jetë çdo shqiptar (e jo i tillë), që tradita ia do të jetë bujar, përtej skepticizmit dhe individualizmit të kohës. Fundja “Ka më shumë lumturi të japësh, se të marrësh” na kanë predikuar të gjitha fetë në historinë e njerëzimit.

Në këtë iniciativë që i dedikohet buzëqeshjeve të pafalura në vigjilje të festave të fundvitit, janë bashkuar edhe korporata si Raiffeisen Bank, e cila suporton gjithë fëmijët në nevojë të këtij projekti.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0