BRUKSEL- Bashkimi Evropian do të çelë negociatat e anëtarësimit me Shqipërinë dhe Maqedoninë e Veriut, sipas një projektvendimi unanim të 27 vendeve anëtare të bllokut, i cili është parë nga Reuters të hënën dhe pritet të përfundojë këtë javë.
Të dy vendet e Ballkanit Perëndimor kishin filluar të humbisnin shpresat vitet e fundit, pasi Franca dhe Hollanda janë treguar skeptike në lidhje me rekordet e tyre mbi demokracinë dhe luftën ndaj korrupsionit, nga frika e pranimit të anëtarëve të rinj në një kohë kur kohezioni i bllokut është dëmtuar tashmë nga Brexit.
Por Parisi dhe Haga kanë lehtësuar kundërshtimet e tyre javët e fundit, pavarësisht shpërthimit të virusit Corona në Evropë, i cili erdhi nga Kina. Greqia nuk ishte ende në bord para fundjavës, për të marrë vendimin, i cili kërkon unanimitet të të gjithë anëtarëve të BE.
Lexoni: Impakti i karantinës, çfarë mund të bëjmë
Burime diplomatike thanë se Athina ka dhënë miratimin e saj pasi drafti i fundit përfshinte një gjuhë më të fortë për mbrojtjen e pakicave kombëtare në Shqipëri.
Nëse asnjë vend nuk kundërshton, vendimi pritet të miratohet zyrtarisht në mes të javës, shtuan burimet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
