Komisioni Europian ka vendosur një gjobë prej 2.95 miliardë eurosh (afro 3.5 miliardë dollarë) ndaj Google, duke e akuzuar për shkelje të rregullave antitrust të BE-së. Sipas komisionit, Google ka favorizuar shërbimet e veta të reklamave, duke abuzuar me pozitat dominuese në treg përmes platformës AdX dhe mjeteve të veta të blerjes së reklamave.Google ka 60 ditë kohë për të ndalur këto praktika dhe për të prezantuar masa që shmangin konfliktet e interesit në zinxhirin e adtech-ut. Nëse nuk e bën, BE paralajmëron masa edhe më të ashpra.
Lexo edhe: Vjen në 2-3 tetor Future2Tech, panairi më i madh i inovacionit, teknologjisë dhe edukimit në vend!
Kompania ka njoftuar se do të apelojë vendimin, duke këmbëngulur se shërbimet e saj nuk janë antikonkurruese dhe se ka më shumë alternativa se kurrë.
Ky është gjobitja e dytë më e madhe që BE i ka vendosur ndonjëherë Google, pas gjobës prej 5 miliardë dollarësh në vitin 2018. Vendimi ka ngjallur reagime edhe në SHBA, ku Presidenti Donald Trump e cilësoi si një ndëshkim të padrejtë ndaj kompanive amerikane të teknologjisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
