BE aktivizon mekanizmin e mbrojtjes civile në ndihmë të Libanit 

Liban

Komisioneri i BE për menaxhimin e krizave, Janez Lenarčič, ka shprehur solidaritetin e popujve të BE-së ndaj Libanit, si dhe ka njoftuar aktivizimin e menjëhershëm të mekanizmit për mbrojtjen civile.

“Ndajmë bashkë me banorët e Bejrutit trishtimin dhe tronditjen për shpërthimin fatal që mori jetën e shumë njerëzve dhe plagosi shumë të tjerë. Ngushëllime të përzemërta për familjarët që humbën njerëzit e tyre të dashur. Në këtë çast të vështirë, BE ofron mbështetje dhe solidarizim për popullin libanez. Si përgjigje të menjëhershme, BE ka aktivizuar mekanizmin për mbrojtjen civile, siç është kërkuar nga autoritetet libaneze”, tha Lenarčič.

BE ka dërguar me urgjencë 100 zjarrfikës, qen gjurmimi si dhe mjete të ndryshme për të ndihmuar autoritetet libaneze me nxjerrjen e viktimave të mundshme nga rrënojat e shumta, shkruan Komisioni Europian.

Lexoni: Një fëmijë 9-vjeçar do të dhurojë flokët për bamirësi

“Ky mekanizëm ka koordinuar punën për dërgimin me urgjencë të 100 zjarrfikësve ekspertë, së bashku me automjete, qen gjurmimi dhe materiale të posaçme për shpëtimin e jetëve në zona urbane. Ata do të bashkëpunojnë me autoritetet libaneze për të shpëtuar jetë në terren”, tha komisioneri i BE-së.

Shumë shtete të BE-së janë angazhuar në mënyrë të menjëhershme për të ofruar ndihmë, ndërkohë që sistemi satelitor “Kopernik” do të angazhohet mbi Liban për verifikimin e dëmeve.

“Holanda, Greqia dhe Çekia kanë konfirmuar tashmë pjesëmarrjen në këtë operacion kritik. Franca, Polonia dhe Gjermania po ashtu kanë ofruar ndihmë nëpërmjet mekanizmit, ndërkohë që priten edhe vende të tjera anëtare. BE ka aktivizuar sistemin satelitor “Kopernik” për të ndihmuar autoritetet libaneze me vlerësimin e dëmeve. Shprehim edhe një herë solidaritetin tonë me popullin libanez, dhe jemi të gatshëm të mobilizojmë edhe ndihma të mëtejshme”, tha Komisioneri i BE për menaxhimin e krizave, Janez Lenarčič.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale