Një fëmijë 9-vjeçar do të dhurojë flokët për bamirësi

bamirësi

Një djalë nëntë vjeçar nga Anglia, i cili u frymëzua për të rritur flokët e tij të gjata nga futbollisti Gareth Bale, nuk i ka prerë asnjëherë ato. Tashmë ai ka vendosur t’i presë flokët dhe t’i dhurojë për bamirësi.

Reilly Stancombe, do t’i dhurojë flokët në The Little Princess Trust, e cila ofron paruke falas për fëmijë dhe të rinj që kanë humbur flokët e tyre përmes trajtimeve të kancerit ose problemeve të tjera.

Ai synoi të mbledhë 100 paund për bamirësi, të cilat do të ndihmojnë projektet kërkimore që përqendrohen në gjetjen e trajtimeve më pak toksike për kanceret pediatrikë. Reilly arriti të mbledhë gati 600 paund në faqen e tij GoFundMe deri në fund të ditës së tij të parë të mbledhjes së fondeve.

Nëna e tij Daisy Canny, tha që njerëzit e njohin djalin e saj si “Reilly me flokë të gjata” dhe se flokët e identifikojnë atë. “Ai filloi t’i rriste flokët që në vegjëli. Pastaj u fut në futboll dhe u frymëzua nga flokët e gjata të Gareth Bale”.

Gareth Bale

Nëna e Reilly-t tha se ai ka lindur me një sëmundje në zorrë dhe ideja për të dhuruar flokët i erdhi kur pa fëmijët me kancer, në të njëjtin spital ku kryen vizitat. Reilly tha që të shohësh njerëz të sëmurë në spital ishte “me të vërtetë e pakëndshme dhe aspak e mirë”.

“Është vërtet e trishtueshme të shohësh fëmijë që nuk kanë flokë. Unë e ndjeva që duhet të kthehesha në spital dhe ta bëja jetën e tyre pak më të lumtur”, tha ai. Reilly do t’i presë flokët e tij më 18 gusht. /itv

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale