Numri i projekteve të prezantuara nga njësitë vendore për t’u bërë pjesë e këtij programi është 10 herë me i vogël se numri i bashkive të përfshira. Fakti u bë i ditur nga kryeministri i Edi Rama në takimin e zhvilluar me përfaqësuesit e bashkive që përfshijnë “100 fshatrat”.
Për më tepër, projektet e propozuara nga bashkitë janë fokusuar tek ndërtimi i rrugëve. Ndonëse rrugët janë të nevojshme, rrugët të vetme nuk realizojnë turizëm.
Rama tha gjatë fjalës së tij se, “Përmirësimi i infrastrukturës është një aspekt themelor i programit, por do të ishte gabim që programi të konceptohej si zhvillim infrastrukturor”.
Lexoni: Festat lokale, një shans për turizmin
Për të nxitur projektet, qeveria ka shtyrë afatet e aplikimit. “Kemi nisur një sërë kontaktesh me sipërmarrjen vendase dhe bankat për të krijuar një sinergji të të gjitha forcave që përfshihen në këtë program”, tha Rama në takim me kryebashkiakët.
“Kontributi i bashkive ka qenë minimal sa i përket zhvillimit të projekteve në fshatra, deri më tani. Ne e rihapim aplikimin pasi kemi mungesë të propozimit të projekteve” tha Rama.
Ai ka kujtuar se për të nxitur projektet është krijuar Akademia e “100 fshatrave”. Kjo bëhet “për të mbushur boshllëqet e bashkive në këtë proces, me dije, informacion, burime njerëzore. Përbëhet nga pedagogë e studentë dhe specialistë vendas dhe të huaj, për të ndihmuar me projekte zhvillimore”.
Lexoni: Akademi për rilindjen e 100 fshatrave
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English