Nëse keni udhëtuar apo jetuar jashtë edhe për pak kohë, jeni përfshirë në ditët festive të zonave ku ishit. Festa me emra të produkteve që prodhohen në zonë, të shenjtorëve, të malit etj, sigurojnë jo vetëm një alternativë për banorët, por tërheqin turistët kuriozë për kulturën apo ushqimin e një vendi.
Një nismë e tillë po hedh rrënjë zyrtarisht edhe në Shqipëri, ndërsa nuk mundojnë festat lokale që janë festuar, por nuk janë promovuar për qëllime turizmi.
Ministri i Bujqësisë dhe Zhvillimit Rural, Niko Peleshi, bashkë me deputetë të zonës, janë bërë pjesë e festëts zhvilluar në fundjavë në Rehovë të Kolonjës.
Ky fshat është pjese e programit “100 fshatrat”. Në listë janë përzgjedhur fshatra potenciale për zhvillimi rural dhe agroturistik. Mundësia e zhvillimit bazohet më shumë tek traditat dhe bashkëveprimi midis vetë komunitetit.
Ministri Peleshi tha se, “Ky aktivitet bën pjesë në një politikë të re që ne duam të fillojmë, përsa i përket zhvillimit rural. Pra, jo një politikë me fjalë të mëdha por një politikë të ngjarjeve të vogla si kjo, por që krijojnë energji, sjellin trafik, pra sjellin vizitorë dhe rrisin të ardhurat lokale. Rehova, hyri në gjerdanin prioritar për zhvillim, në 100 fshatrat”.
Një nga festat e shtrira në disa vende është “Dita e Verës”, ndërsa ka edhe festa lokale me histori. Për shembull, disa fshtata në Kukës, festojnë ditën e Shën Gjergjit, me 6 Maj, një ditë ku festohet rikthimi i gjelbërimit të vendit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
