Njësitë vendore, pavarësisht taksave vendore, kanë një nivel të ulët autonomie nga buxheti i shtetit. Sipas raporteve të fundit të publikuara, mbi 85% e 61 bashkive kanë autonomi financiare nën mesataren.
Sipas të dhënave, burimet financiare në dispozicion të qeverisjes vendore vitin e kaluar ishin rreth 76 miliardë lekë. Ndaj një viti më parë, financimi është rritur 23%.
Me reformën administrativo-territoriale, pritej pikërisht rritja e autonomisë financiare të pushtetit lokal, e rrjedhimisht edhe ulja e barrës së tij në buxhetin e shtetit. Viti i parë i tranzicionin pati rritje kostosh për shkak të ristrukturimit të njësive. Por, kostot e larta vijuan edhe më pas.
Prej vitesh në vend, ka debat për menaxhimin e financave publike dhe mirëadminsitrimin sidomos në pjesën e pushtetit lokal.
Niveli i lartë i varësisë nga buxheti i shtetit, sipas ekspertëve, bëhet pengesë për zhvillimin e projekteve të mëdha me nismë lokale.
Niveli i varësisë nga buxheti i shtetit lidhet edhe me nivelin e zhvillimit të sipërmarrjave. Siç shihet nga tabela më poshtë, Tirana kryeson me të ardhurat e siguruara nga burimet e veta e ndjekur nga Vora dhe Durrësi. Bashkitë që varen në mënyrë të theksuara nga buxheti i shtetit janë Kukësi, Hasi, Memaliaj, Pukë, Dibër, Këlcyrë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English