Bashkëpunimi tregtar me Austrinë. Lehtësohen procedurat doganore mes vendeve - Business Magazine Albania

Bashkëpunimi tregtar me Austrinë. Lehtësohen procedurat doganore mes vendeve

Drejtori i Përgjithshëm i Doganave, Genti Gazheli priti në një takim zyrtar Ambasadorin e Austrisë në Shqipëri Dr. Christian Steiner.

Gjatë këtij takimi ata theksuan, se është shumë e rëndësishme rritja e bashkëpunimit në fushën e lehtësimit të tregtisë bazuar në Marrëveshjen e nënshkruar mes dy vendeve për bashkëpunimin në fushën e doganave.

Në fjalën e tij kreu i Doganës Shqiptare, Gazheli, falenderoi Ambasadorin Dr. Steiner për mbështetjen e vazhdueshme në fushën e rritjes dhe forcimit të kapaciteteve të Administratës Doganore, kryesisht nëpërmjet Projektit të Binjakëzimit mes dy Autoriteteve Doganore në kuadër të asistencës financiare të Bashkimit Europian me fondet IPA 2018.

Lexoni: Tregtoni produkte me akcizë? Jeni nën vëzhgimin e Drejtorisë së Doganave

Mes dy administratave doganore ka patur bashkëpunim të suksesshëm në shkëmbimin e informacioneve, trajnimeve, përafrimin e legjislacionit me acuqi-communitaire etj.

Ambasadori Dr. Steiner vlerësoi nga ana e tij progresin e Shqipërisë në procesin e integrimit, sidomos në fushën e doganave, praninë e investitorëve austriakë në tregun shqiptar dhe ecurinë e suksesshme të projektit të Binjakëzimit mes dy administrative doganore të Austrisë dhe Shqipërisë duke konfirmuar thellimin e bashkëpunimit.

Vëllimet tregtare mes Shqipërisë dhe Austrisë ishin më shumë se 60 milionë euro në vitin 2020, ndërkohë që janë rritur ndjeshëm në gjysmën e parë të vitit 2021 me rritje 51 % të eksporteve në vlerë dhe rritje 33 % të importeve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0