Tregtoni produkte me akcizë? Jeni nën vëzhgimin e Drejtorisë së Doganave - Business Magazine Albania

Tregtoni produkte me akcizë? Jeni nën vëzhgimin e Drejtorisë së Doganave


Bizneset që tregojnë produkte të akcizës do të jenë në fokus të administratës doganore. Doganat pritet të shtojnë kontrolle dhe verifkime si pjesë e planit operacional anti-informalitet.

Ministrja e Financave dhe Ekonomisë Anila Denaj në një dalje për shtyp me Drejtorinë e Drejtorisë së Përgjithshme të Doganave Arlind Gjokutaj, tha se efektet e para të anti-informalitetit po ndihen në buxhet pasi po realizohet plani i të ardhurave.

Përsa i përket akzicës, Denaj tha se, karburantet nuk do të jenë i vetmi sektor në vëmendje. Pijet alkolike, duhani dhe kafeja do të përfshihen në planin kundër informalitetit.

“Prioritet i muajit gusht kanë qenë produktet e akcizës. Administrata doganore ka analizuar me detaj të dhënat e diponueshme dhe ka përgatitur një listë paraprake të subjekteve që do të inspektohen. Kontrollet konsistojnë në verifikime të detajuara fizike dhe dokumentare. Verifikimin me përputhshmërinë e deklarimit me të dhënat e sistemit informatik”, tha Ministra e Financave.

Lexo: Tatimet u dërgojnë letër bizneseve. Deklaroni të ardhurat

Muajin e kaluar, importi dhe konsumi i produkteve të akcizës si dhe niveli i të  ardhrurave të arkëtuara nga administrata doganore janë rritur, si rezultat i rritjes së kontrolleve.

Më konkretisht të ardhurat nga akciza për muajin korrik ishin 4.86 miliardë lekë, ose gati 18% më shumë se e njëjta periudhë e vitit të kaluar. Kjo rritje është hasur edhe në gjysmën e parë të muajit gusht.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0