Banka e Shqipërisë sqaron shtyrjen e kësteve të kredisë


Banka e Shqipërisë ka nxjerrë udhëzimin se si do të bëhet shtyrja e kësteve të kredisë për bizneset dhe individët si pasojë e Covid-19.

Ky udhëzim pason vendimin e marrë nga guvernatori Sejko dhe kryeministri Rama vendosur shtryrjen e kësteve të kredisë gjatë gjendjes së pandemisë, të hyrë në fuqi më 13 mars.

Sipas këtij vendimi, i cili nuk ka fuqi detyruese, por bankat kanë vendosur ta zbatojnë në mënyrë vullnetare në shenjë solidariteti:

Bizneset ose individët mund të shtyjnë deri në tre muaj këstin e kredisë. Këstet që mund të shtyhen janë ato të muajve mars, prill, maj. Kërkesat për shtyrje pagese kësti kanë afët deri më 31 maj.

Për shtyrjen e kësteve të kredisë mund të aplikojë çdo biznes ose individ i punësuar në shtet ose në privat që vërteton me dokumenta vonesa në marrjen e pagës, reduktim të masës së pagës, një kombinim i të dyjave, papunësi e përkohshme, si dhe zgjidhja e kontratës së punësimit, apo çdo kriter tjetër që subjektet e vlerësojnë të arsyeshme.

Lexoni: Kriza nga COVID-19, Banka e Shqipërisë ul normën bazë të interesit

Kryetari i Shoqatës së Bankave, Spiro Brumbulli, tha se procesi i ristrukturimit ka filluar. Ai u shpreh se bankat, aktualisht po grumbullojnë kërkesat nga individë dhe biznese. Shoqata e Bankave tha se kërkesat janë në zbatim të vendimit të Këshillit Mbikëqyrës të Bankës së Shqipërisë, datë 12 mars dhe të urdhrit të përbashkët të Kryeministrit.

Shtyrja e kredive për bizneset do të varet nga paraqitja e dokumentave të lartpërmendur dhe nga analiza e bankës për gjendjen financiare dhe llojin e biznesit, bazuar në dokumentat që ajo ka.

Janë përgatitur formularët për aplikim, të cilat gjenden në faqen e internetit të bankës përkatëse, ose sipas udhëzimeve të personelit të bankës në degë. Nga pikëpamja rregullative, procesi konsiderohet i përfunduar dhe tani është zbatimi i tij.

Këstet e kredive nuk do të falen. Ato do të paguhen sipas afateve të reja të vendosura mes kredidhënësit dhe kredimarrësit.

Këstet e shtyra nuk do të paguhen me kamatvonesë. Banka do të ristrukturojë këstin pa llogaritur kamatvonesën. Pra, nuk ka asnjë penalitet për kredimarrësin.

Të gjitha kreditë e shtyra si pasojë e Covid-19 do të kenë një kod të veçantë për të monitoruar ecurinë e tyre.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale