Audi do të lehtësojë trafikun e mbingarkuar


Kompania gjermane Audi po përpiqet t’a lehtësojë trafikun e mbingarkuar me një teknologji të re.

Audi prezantoi një veçori të re, që mund të njoftojë shoferat se kur do të ndryshojë drita e semaforit, nga e kuqe në jeshile, dhe nga jeshile në të kuqe.

Kjo veçori quhet “traffic light information system”, ose ‘informacioni i sistemit të semaforave’, që do të jetë e disponueshme në disa nga makinat e reja të 2017-s, si Q7, A4, dhe A4 4×4.

Ja si funksionon kjo teknologji e re: kur je duke pritur dritën jeshile, në dashbordin e makinës do të ketë një mbrapsht-numërim, që të njofton se për sa sekonda do të ndizet drita jeshile. Ndërsa kur jeni duke i dhënë makinës, dhe drita është jeshile kur ti i afrohesh një semafori, ju do të shikoni se për sa sekonda drita do të kthehet në të kuqe.

dashbordi i audit

Kjo teknologji e re do të vijë sipas një bashkëpunimi midis Audi-t dhe disa nga qyteteve më të mëdha në Amerikë. Sistemat e semaforëve në shumicën e qyteteve në ShBA janë të avancuar, dhe kontrollohen nga një qëndror që kontrollon disa semafore.  Audi do të ketë të dhënat e semaforëve në dispozicion, në mënyrë që t’i transmetojë ato në makinën tuaj, duke përdorur rrjetin 4G.

Tani për tani, kjo teknologji do të jetë e disponueshme vetëm në 5-7 qytete të ShBA-së, dhe nuk ka ndonjë lajm për përhapjen e kësaj teknologjie në vënde të tjera.

/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale