Aston Martin emëron presidenten e parë femër

Aston Martin emëron presidenten e parë femër

~3 minuta lexim


Kush tha se femrat nuk marrin vesh nga makinat apo teknologjia?

Aston Martin ka për herë të parë, në gjithë historinë 105 vjeçare të kompanisë, një presidente femër.

Laura Schwab, drejtuese e Aston Martin thotë se ky është një moment historik për shumë femra, jo vetëm në industrinë e automjeteve, por në të gjithë botën.

“Unë kërkoj që më shumë femra t’i bashkohen kësaj industrie,” thotë ajo për ABC News. “Për disa femra mund të duket e frikshme…sepse ato mendojnë se nuk dinë mjaftueshëm për makinat apo teknologjinë. Unë jam një avokate e vendosur që më shumë femra të aplikojnë për këto vende pune.”

Aston Martin ka 2,500 punonjës të shpërndarë në të gjithë globin, dhe vetëm një përqindje e vogël e tyre janë gra. Megjithatë, Schwab, e cila rregullisht merr pjesë në konferencat e fuqizimit të femrave, këmbëngul se ajo është në një mision për të ndryshuar demografinë ekzistuese.

Me një vajzë njëvjeçare dhe një karrierë të suksesshme, ajo tregon se vazhdimisht e pyesin “si ja del” dhe përgjigja e saj është gjithmonë e njëjtë: “Kur ishte hera e fundit që ja bëtë një burri këtë pyetje?”

Ajo shton se është e gatshme të kalojë fundjava dhe netë larg vajzës së saj të vogël, në mënyrë që të bindë vajzat e reja se një karrierë në industrinë e automobilave mund të jetë shpërblyese dhe shumë e dobishme.

“Është një moment shumë i rëndësishëm në kohë për gratë, jo vetëm në hapësirën automobilistike, por në botë,” tha ajo. “Shumë pengesa, apo pengesa të perceptuara, kanë filluar të hiqen. Unë mendoj në automobilistikë, në mënyrë specifike, ne kemi ende një punë për të bërë. Kurrë nuk e kam menduar veten si një model, por tani që jam në këtë rol, gratë duhet të më shikojnë dhe të thonë: “Unë mund ta bëj.”

/NYPost

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0