Ashpërsohen masat në Gjermani/ Merkel: Masat aktuale të pamjaftueshme - Business Magazine Albania

Ashpërsohen masat në Gjermani/ Merkel: Masat aktuale të pamjaftueshme

Gjermania ka vendosur kufizime të rrepta për të frenuar përhapjen e Covid-19. Angela Merkel, kancelarja gjermane ka shpjeguar se masat ekzistuese të kufizimit nuk janë aq efektive sa mendohej. Dy rajone të goditura rëndë në Bavari tashmë janë kthyer në bllokim, me shkollat, kopshtet dhe çerdhet e mbyllura.

“Situata po bëhet shumë serioze, këto masa nuk do të jenë të mjaftueshme për të kaluar dimrin, është shprehur ajo.  Numri ditor i infektimeve nuk është  rritur por megjithatë shifrat janë ende të larta.

Nga thellësia e zemrës time, me të vërtetë më vjen keq. Por nëse çmimi që paguajmë është 590 vdekje në ditë, atëherë duhet të them se kjo nuk është e pranueshme”, mësohet të ketë thënë kancelarja Merkel.

Markus Soeder, kryetar i Bavarisë, vendit me më shumë viktima tha se  është i sigurt që disa liderë kombëtarë dhe rajonalë do të pajtohen për masat edhe pse para Krishtlindjeve. “Më mirë ta bëjmë tani dhe ta bëjmë mirë, sesa vonë dhe me gjysmë zemre,” i tha ai kabinetit rajonal të tij të Martën.

Një pako për ndihmë prej 10 miliardë euro do të ndahet për të paguar kompanitë që kanë pësuar humbje si pasojë e pandemisë për shkak të mbylljes. Kompanitë e vogla, me deri 50 punonjës, do të marrin 75 për qind të të hyrave që kishin regjistruar një vit më parë për muajin nëntor.

Gjermania e përballoi relativisht mirë valën e parë të koronavirusit në fillim të vitit, por numrat janë rritur me shpejtësi javët e fundit, ashtu siç kanë ndodhur në të gjithë kontinentin. Numri i rasteve të reja ditore tani rregullisht kapërcen 10,000, me më shumë se 11,400 infeksione të reja të raportuara të Martën, sipas Institutit Robert Koch (RKI) për kontrollin e sëmundjes.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0