Një pilot po bëhet viral pasi ka dhënë përgjigje për një pyetje që i shkon ndër mend çdo pasagjeri — pse duhet të kalojmë telefonat tanë në modalitetin “airplane mode” para ngritjes së avionit? Ai e shpjegoi se pse ky kujdes është kaq i rëndësishëm në një video informuese që ka grumbulluar mbi 2 milionë shikime në TikTok.
“Butoni i modalitetit të fluturimit në telefonin tuaj nuk është një konspiracion,” deklaroi piloti, i cili në platformë përdor emrin @perchpoint, në videon e tij. Ai e nisi videon duke siguruar shikuesit se harrimi i këtij protokolli “nuk do ta bëjë avionin të bjerë nga qielli” apo të “prishë sistemet e bordit”. Megjithatë, nëse shumë pasagjerë e injorojnë këtë hap, mund të krijohet një ndërhyrje në komunikimet radiofonike të pilotëve me kullën e kontrollit, sipas videos. “Nëse në avion ka 70, 80 apo 150 persona dhe edhe tre ose katër telefona fillojnë të përpiqen të lidhen me një kullë radiofonike për një telefonatë hyrëse, ato dërgojnë valë radioje,” shpjegoi kapiteni. “Ekziston mundësia që këto valë radioje të ndërhyjnë me valët radio të kufjeve që pilotët po përdorin.”
Lexo edhe:Bryan Johnson – Njeriu që dëshiron të jetojë përgjithmonë!
Ai kujtoi një fluturim të fundit ku po përdorte kufjet për të marrë “autorizimin se në cilën drejtim të shkonte” dhe ndërhyrjet në mesazhe e bënin të ndjehej sikur kishte një “mushkonjë” në vesh. “Kjo padyshim nuk është fundi i botës, por është shumë bezdisëse kur përpiqesh të shkruash udhëzimet dhe tingëllon sikur ka një grenzë apo diçka që fluturon përreth,” deklaroi piloti në TikTok. “Pra, nëse ndonjëherë keni qenë kuriozë se pse duhet të aktivizoni modalitetin airplane, kjo është arsyeja.” Në fakt, ligji në SHBA kërkon që pasagjerët të kalojnë telefonat e tyre në modalitetin “airplane mode” gjatë fluturimit. “Telefonat celularë të instaluar ose të mbajtur në avionë, balona ose ndonjë lloj tjetër mjeti fluturues nuk duhet të përdoren ndërsa mjeti fluturues është në ajër (pa prekur tokën),” lexohet në kodin e rregulloreve federale. “Kur një mjet fluturues largohet nga toka, të gjithë telefonat celularë në bord duhet të jenë të fikur.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English