Dubai është një qytet ku zjarrfikësit përdorin avionë, arkipelagët ndërtohen nga hiçi dhe ndërtesat prekin qiellin. Një metropol në mes të shkretëtirës, saqë ata të cilët e vizitojnë për herë të parë u duket vetja në skenën e një filmi fantastiko-shkencor.
Në 2017, Emiratet e Bashkuara Arabe njoftuan ambicien për të kolonizuar planetin Mars brenda 100 viteve të ardhshme. Arkitektët kanë nisur që tani të imagjinojnë se si mund të duket një qytet marsian dhe po planifikojnë të ndërtojnë një të tillë në shkretëtirën që rrethon Dubain.
“Mars Science City” është një qytet me sipërfaqe 176 000 metra katrorë, që do të kushtojë rreth 135 milionë dollarë. Fillimisht projekti ishte ideuar për të zhvilluar teknologjinë që do të duhet për të arritur në Mars, por arkitektëve të grupit “Bjarke Ingels” iu kërkua që të ndërtonin prototipin e një qyteti që do të përballonte jetën atje.
Problemet më të mëdha për të ngritur një qytet të tillë janë temperatura, që në mars është -63 gradë celsius. Atmosfera e hollë do të thotë gjithashtu se ka pak presion të ajrit, kështu që lëngjet shpejt avullojnë në gaz. E pavarësisht temperaturave të akullta, një trup pa veshje mbrojtëse do të “piqej” në Mars. Godinat në atë planet do të ndërtoheshin në 3D nën dunat e rërës, duke përdorur tokën që ndodhet atje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
