Arben Tufina, historia e një prej sipërmarrësve të parë në vend me ardhjen e demokracisë - Business Magazine Albania

Arben Tufina, historia e një prej sipërmarrësve të parë në vend me ardhjen e demokracisë

Arben Tufina

Nëse nuk do të ishte artist, Arben Tufina mund të mos ishte as sipërmarrës. Në fakt, burimi i sipërmarrjes së tij lind nga të qenurit me profesion piktor dhe orëndreqës, si profesion i trashëguar me shekuj në familjen e tij TUFINA, siç ai tregon. Por, gjatë një përshkrimi të nisjes, transformimit dhe zhvillimit të sipërmarrjes, shtyllë mbështetëse e aktivitetit duket edhe shpirti i tij sfidues, ambicja dhe largpamësia.

Duke u renditur ndër sipërmarrësit e parë në vend me ardhjen e demokracisë, Tufina eksploroi, eksperimentoi në shumë fusha të biznesit si ato të elektronikës, ushqimeve dhe të industrisë të veshjeve dhe këpucëve, por në fund vërtetoi që kozmetika e parfumeria ishin zgjedhja e tij ideale, të cilat kishin munguar dhe ishin tabu për popullsinë prej 45 vitesh të sistemit totalitar. Produktet e bukurisë kërkojnë shume korrektësi, cilësi dhe art, sipas tij.

“Para viteve ‘90 edhe pse ishte e ndaluar, ushtroja profesionin e orëndreqësit dhe shisja piktura, duke kompensuar kështu pagën e ulët që ishte atëherë. Që në vitin ‘89 nisi liberalizimi i tregut. Filloi rënia e fuqisë së qeverisë komuniste”, tregon ai. I përndjekur politik, Tufinës i duhej shumë përpjekje për të ecur përpara. Por, kjo e bëri më të fortë. Ishte shumë më korrekt në punën e tij, për shkak se ishte nën lupën e regjimit. Mësoi shumë zanate përmes kurseve të ndryshme dhe lëvizjeve nga vendi i punës që i bënin njerëzit drejtues të regjimit, ndërsa kishte studiuar më parë Liceun Artistik dhe e angazhonin të mbante emulacionin socialist. Ai kujton sot se edhe parullat duhet t’i dizenjonte dhe ngjyroste me kujdes, pasi mund të kritikohej dhe ta dënonin për ngjyrën e e papërshtatshme, apo çdo hap jashtë normës së realizmit socialist.

Për të lexuar artikullin e plotë abonohu në një nga paketat tona.
Kliko këtu për t'u abonuar.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0