Apple ul çmimet e iPhone në Kinë


Çmimet e iPhone në Kinë po bien falë një uljeje taksash që hyri në fuqi të hënën. Apple ka ulur  çmimet për iPhone, iPad-s dhe produkte të tjera në faqen zyrtare kineze të saj.

Sipas agjencisë shtetërore të lajmeve Xinhua, ulja erdhi pas rënies 3% në normën e taksës mbi  vlerën e shtuar që filloi më 1 prill.

IPhone i fundit 64GB tani kushton 8,199 juan (1,220 dollarë), duke e ulur  500 juan (74 dollarë), ose 5.8%, më të lirë për blerësit kinezë. IPhone XR shënoi rënie prej 300 juanë ($ 45), ose 4.6%.

Apple nuk pranoi të komentojë mbi ndryshimet e çmimeve. Kompania lëshoi këmbanat e alarmit në janar kur drejtori ekzekutiv Tim Cook paralajmëroi investitorët se kushtet e rënda ekonomike në Kinë, ndikuan në shitjet e iPhone vitin e kaluar. Cook më vonë i tha Reuters se Apple do të ulte çmimet e iPhone në disa tregje jashtë Shteteve të Bashkuara, për të kompensuar dollarin e fortë amerikan. Por iPhone ka “luftuar” në Kinë, madje edhe para se ekonomia e vendit të tregonte shenja të ngadalësimit.

Lexo: Apple ka nevojë për një strategji të re shitje, sipas analistëve

Sipas firmës kërkimore të tregut IDC, shitjet e smartfonëve të Apple në Kinë kanë rënë mbi 20% tremujorin e fundit. Kompania e Kalifornisë përballet me konkurrencë të fortë nga rivalët vendas si Huawei, Oppo, Vivo dhe Xiaomi. Ato ofrojnë telefona inteligjentë më të lirë dhe të nivelit të lartë të përshtatura për tregun kinez.

“Edhe me këtë ulje të çmimeve, iPhone-t janë ende më të shtrenjta krahasuar me telefonat Huawei”, tha analisti i tregut Kiranjeet Kaur. Megjithatë, Kina mbetet një treg i rëndësishëm për Apple, duke mundësuar më shumë se 15% të shitjeve totale. Të ardhurat nga rajoni i Kinës së Madhe që përfshin Hong Kong dhe Tajvan shënua rënie me rreth 27% në tremujorin e fundit krahasuar me të njëjtën periudhë të një viti më parë.

CNN

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale