Gjiganti i teknologjisë Apple po përgatit ndryshime të mëdha në asistentin e saj virtual Siri, të cilat mund ta bëjnë iPhone shumë më tërheqës për përdoruesit në vitet e ardhshme.
Pas prezantimit të platformës së re Apple Intelligence, kompania kishte premtuar një version më të avancuar dhe më të personalizuar të Siri-t gjatë lançimit të serisë iPhone 16. Megjithatë, rreth një vit e gjysmë më vonë, kjo veçori ende nuk është bërë publike.
Sipas raportimeve të mediave teknologjike, Apple po punon që Siri të evoluojë në një chatbot të avancuar me inteligjencë artificiale, i aftë të konkurrojë me sisteme të tjera të njohura si ChatGPT, Gemini dhe Claude. Madje, kompania ka njoftuar edhe një partneritet në fushën e inteligjencës artificiale me Google, duke rritur spekulimet për integrime më të avancuara të AI në produktet e saj.
Lexo gjithashtu: Anthropic padit pentagonin për vendosjen në listën e zezë të AI-së
Ekspertët e teknologjisë besojnë se një Siri më inteligjent, me funksione të ngjashme me chatbot-et moderne, mund të bëhet një nga pikat kryesore të shitjes për serinë e ardhshme iPhone 18.
Ndërkohë, Apple ka prezantuar edhe një version të përmirësuar të iPad Air, i cili vjen me çipin e ri Apple M4. Tableti i ri ofron performancë më të lartë, deri në 12 GB RAM, hapësirë ruajtjeje deri në 1 TB dhe përmirësime në lidhshmëri si Wi-Fi 7 dhe Bluetooth më të avancuar.
Modeli ruan dizajnin e njohur, me ekran LCD dhe kamera 12 MP, ndërsa është i orientuar kryesisht drejt studentëve, profesionistëve dhe përdoruesve që kërkojnë një tablet të fuqishëm për punë dhe argëtim.
iPad Air me çipin M4 ka nisur të shitet nga 4 marsi, ndërsa në dyqane është i disponueshëm nga 11 marsi, me çmim fillestar 599 dollarë për modelin 11 inç dhe 799 dollarë për versionin 13 inç.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
