Së fundmi, Apple njoftoi një pajisje shtesë baterie për telefonët e serisë iPhone 12. Është një Paketë Baterie MagSafe që vendoset në pjesën e pasme të iPhone 12, iPhone 12 mini, iPhone 12 Pro dhe iPhone 12 Pro Max. Lidhet në mënyrë magnetike dhe rimbush telefonin me wireless.
Ju mund ta karikoni iPhone tuaj me ose pa kasën, por duhet të hiqni çdo kartë krediti ose send tjetër të bashkangjitur në telefon. Gjithashtu ju mund t’i karikoni të dy si iPhone dhe baterinë në të njëjtën kohë.
“Nëse iPhone dhe MagSafe Battery Pack duhet të karikohen, mund t’i karikoni në të njëjtën kohë. Bashkangjitni MagSafe Battery Pack në iPhone tuaj dhe pastaj lidhni MagSafe Battery Pack në një përshtatës me rrymë. Duke përdorur një adaptor energjie 20W ose më të lartë, MagSafe Battery Pack mund të karikojë iPhone tuaj me deri në 15W energji karikimi,” thuhet në dokumentin jozyrtar.
Lexoni: Risitë e pritshme të iPhone 13
Një funksionalitet i tillë është i mundur vetëm nëse iPhone mbështet karikimin e kundërt, diçka për të cilën është folur prej kohësh, por që Apple nuk e ka pranuar kurrë. Kishte edhe aluzione në regjistrimet e FCC nga viti i kaluar që thoshin se funksionaliteti ishte aty, thjesht ishte jo aktiv.
Disa kishin dyshuar se do të aktivizohej për të rimbushur AirPods ose një Apple Watch, por asnjëra nuk ndodhi (ose të paktën jo akoma).
Por me mbërritjen e MagSafe Battery Pack, Apple ka zbuluar një funksionalitet që vetëm dyshohej deri më tani.
Tani për tani kjo është një veçori e mrekullueshme shtesë e cila, nëse Apple e mundëson atë për pajisje të tjera, madje edhe për pajisjet e markave të tjera, mund të jetë mahnitëse.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
