Apple ka vjedhur idenë e krijimit të iPhone, iPad, iPod?! - Business Magazine Albania

Apple ka vjedhur idenë e krijimit të iPhone, iPad, iPod?!


 

Një person që pretendon se “Apple” ka vjedhur idenë e tij për krijimin e “iPhone”, “iPad” dhe “iPod” ka paditur gjigantin e teknologjisë për 10 miliardë dollarë. Thomas Ross thotë se ka hartuar projektin për këto pajisje që në vitin 1992, e pretendon se ai është “vjedhur dhe shfrytëzuar” nga “Apple”.

Skicat e banorit të Floridës në Shtetet e Bashkuara flasin për një pajisje që mund të përdoret për të lexuar romane apo artikuj lajmesh, të shohë video dhe fotografi në to. Po ashtu këto pajisje, sipas Thomas Ross do të ishin të specializuara edhe për komunikimin.

Ross thotë se vazhdon të përjetojë “dëmtim të madh dhe të pariparueshëm, që nuk mund të kompensohet plotësisht nga paratë”, edhe pse kërkon që “Apple” t’i dëmshpërblejë atij 10 miliardë dollarë dëme, si dhe t’i japë 1.5 për qind të shitjeve të ardhshme të “Apple”.

Të ardhurat e vitit 2015 për gjigandin e teknologjisë ishin 235 miliardë dollarë, çfarë do të thotë se me shumë gjasë, çështja gjyqësore është në favor të kompanisë.

“Apple” ka kryer një revolucion në komunikim dhe në botën e dixhitalizimit, duke u kthyer në një markë të preferuar për miliona përdorues anembanë botës. Ish-kreu ekzekutiv i “Apple”, i ndjeri Steve Jobs është shprehur dikur: Ne kemi qenë gjithmonë të paturpshëm për të vjedhur një ide të madhe.

Patenta është shpikur nga Thomas Ross gati 15 vite përpara se “iPhone” i parë të krijohej. Megjithatë, ajo u shpall e braktisur nga zyra amerikane e Patentave dhe Markave në vitin 1995, pasi Ross nuk kishte paguar taksat e nevojshme gjatë aplikimit.

 

/Top Channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0