Apple dhe Google: Do të punojmë së bashku për të gjurmuar përhapjen e Koronavirusit përmes smartphone


Apple dhe Google të premten filluan një përpjekje të madhe të përbashkët për të nxitur teknologjinë e smartphone-ve që të përmbajë pandeminë COVID-19. Kompanitë planifikojnë të shtojnë në telefon një softuer të ri që do ta lehtësonte përdorimin e teknologjisë Bluetooth për të gjetur personat, të cilët mund të kenë qenë të infektuar nga transportuesit e Koronavirusit.

Lexo: Manastirliu: Firmoset marrëveshja, 30 respiratorë të rinj për përballimin e COVID-19

Ideja është të ndihmojmë qeveritë kombëtare që të përdorin aplikacione për të ashtuquajturat “gjurmim të kontaktit”, që funksionojnë në iPhone dhe telefonat Android njësoj. Teknologjia funksionon duke shfrytëzuar sinjalet me rreze të shkurtër Bluetooth. Duke përdorur teknologjinë Apple-Google, aplikacionet për gjurmimin e kontakteve do të mbledhin të dhëna të telefonave të tjerë me të cilët ata kanë pasur afërsi.

Të dhëna të tilla mund të përdoren për të paralajmëruar të tjerët që mund të jenë infektuar nga transportuesit e njohur të Koronavirusit të ri. Por, kjo do të funksiononte vetëm në rastet kur pronarët e telefonave kanë instaluar aplikacionet dhe bien dakord të ndajnë të dhënat me autoritetet e shëndetit publik.

Zhvilluesit e programeve kompjuterike kanë krijuar tashmë aplikacione të tilla në vende përfshirë Singaporin dhe Kinën në përpjekje për të përmbajtur pandeminë. Në Europë, Republika Çeke thotë se do të lëshojë një aplikacion të tillë këtë muaj. Britania, Gjermania dhe Italia po zhvillojnë gjithashtu mjetet e tyre të gjurmimit.

Aktivistët e lirisë civile dhe mbrojtjes së të dhënave kanë paralajmëruar që aplikacione të tilla duhet të hartohen në mënyrë që qeveritë të mos i keqpërdorin ato për të gjurmuar qytetarët e tyre. Apple dhe Google thanë në një deklaratë të përbashkët se privatësia dhe siguria e përdoruesve janë marrë parasysh në hartimin e planit.

Ekspertët e sigurisë gjithashtu vërejnë se vetëm teknologjia vetëm nuk mund të gjurmojë në mënyrë efektive dhe të identifikojë njerëzit që mund të jenë infektuar nga transportuesit COVID-19. Përpjekje të tilla do të kërkojnë mjete të tjera dhe ekipe të punonjësve të kujdesit shëndetësor publik për të gjurmuar njerëzit në botën fizike, thonë ata.

Në Korenë e Jugut dhe Kinë, përpjekje të tilla kanë përfshirë përdorimin e kartave të kreditit dhe të dhënave të tranzitit publik.

Lexo: FMN miraton fondin për Shqipërinë: 190.5 milionë dollarë si mbështetje për të përballuar Covid-19

Duke pasur parasysh nevojën e madhe për gjurmimin efektiv të kontaktit – një mjet epidemiolog ka kohë që është në përdorim për të ulur përhapjen e sëmundjeve infektive – kompanitë do të zhvillojnë gjurmimin në dy faza. Në të parën, ata do të lëshojnë në maj softuerin që lejon autoritetet e shëndetit publik të lëshojnë aplikacione si për Android ashtu edhe për telefonat iOS.

Pastaj, në muajt e ardhshëm, ata gjithashtu do të ndërtojnë funksionalitetet e tjera.

Apple dhe Google bënë të ditur specifikimet paraprake teknike, të quajtur “Gjurmimi i Kontaktit të Ruajtjes së Privatësisë”.

Burimi: EuroNews

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale