Apple synon të prodhojë të gjithë iPhone-t për SHBA-në në Indi, duke u larguar nga Kina. Sipas një raportimi të Financial Times, Apple planifikon që në vitet në vijim të zhvendosë të gjithë prodhimin e iPhone-ve të destinuar për tregun amerikan nga Kina drejt Indisë
Kjo lëvizje e madhe pason përpjekjet e vazhdueshme të kompanisë për të diversifikuar zinxhirin e furnizimit, në një kohë kur tensionet gjeopolitike midis SHBA-së dhe Kinës po rriten. India tashmë është shndërruar në një qendër gjithnjë e më të rëndësishme prodhimi për Apple, me kompani partnere si Foxconn që kanë investuar ndjeshëm në kapacitete të reja.
Lexo edhe: Microsoft po paguan “punonjësit e dobët” që të largohen, çfarë po ndodh në Big Tech?
Ky ndryshim strategjik synon të ulë varësinë e Apple nga Kina dhe të forcojë pozicionin e saj në një treg gjithnjë e më sfidues global. Sipas burimeve, Apple ka rritur ndjeshëm prodhimin në Indi vitet e fundit dhe tani po planifikon të zhvendosë të gjithë prodhimin e modeleve të reja iPhone për SHBA në këtë vend.
Burimi: Reuters/ Përshtati: Businessmag.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
