Aplikacioni për fiskalizimin, do të jetë falas për bizneset e vogla - Business Magazine Albania

Aplikacioni për fiskalizimin, do të jetë falas për bizneset e vogla


 

Projektligji i fiskalizimit është diskutuar ditët e fundit me disa grupe interesi. Pas komenteve të tyre, ministrja e Financave dhe Ekonomisë Anila Denaj, ka bërë të ditur dinamikat kryesore gjatë mbledhjes së Këshillit të Investimeve të zhvilluar në Tiranë.

Pas konsultimeve, ministrja tha se sipërmarrjet e vogla do të kenë lehtësi, mes të cilave edhe pajisja me aplikacionin fiskal falas. Në këtë rast flitet për sipërmarrjet me xhiro deri në 2 milionë lekë në vit.

Ndërkojë, për sipërmarrjet e tjera instalimi i programit të ri do të ketë një kosto shtesë për biznesin, që vlerësohet të shkojë në rreth 5 mijë lekë.

Konsultimi publik i projektligjit është hapur me 31 korrik të këtij viti dhe është shtyrë deri në mes të muajit shtator. Deri më tani, pjesë e konsultimeve janë bërë grupe të ndryshme interesi, si shoqata e bankave, biznesi i vogël, etj.

Lexo: Përgatitet projektligji, faturat do të jenë vetëm elektronike

Drafti, i cili është hedhur për konsultim publik parashikon implementimin e një software-i të ri në kasat e bizneseve, i cili transmeton në kohë reale çdo shitje në serverin e tatimeve.

Deri më tani bizneset raportojnë xhiron e tyre në tatime një herë në ditë, kur mbyllin aktivitetin e tyre dhe shtypin kasën për të transmetuar xhiron ditore. Ligji i ri dhe aplikacioni që do të instalohet, bën transmetim direkt të informacionit për transaksionet që kryhen tek serveri i tatimeve.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0