Një nga komponentët kryesorë që mungon nga eksperiencat e realitetit virtual është aftësia për të ndarë eksperiencat me të tjerët.
Tashmë një aplikacion i ri i quajtur vTime shpreson të reduktojë këtë hendek duke iu dhënë përdoruesve karakter të plotë “avatar” që të mund të ndërveprojnë me njëri-tjetrin në mjedise virtuale në kohë reale.
Gjithçka që ju duhet për t’u angazhuar në një chat Realitet Virtual vTime është një smartphone dhe një kufje Samsung Gear VR ose një pajisje Google Cardboard.
Mjediset që shfaqen janë të thjeshta në termat e asaj që zakonisht jemi mësuar të shohim prej eksperiencave VR, por si një aplikacion telefoni për takime virtuale, demostrimi me anë të videove është mbresëlënës.
Midis vendeve që tregohen, në të cilat mund të takohen deri në 4 përdoruesë në VR, janë një zjarr arktik, një festë në mbrëmje në Paris, një sfond pylli, një xhet privat në udhëtim, një litar për ngjitje në mal, një plazh tropikal dhe madje edhe një stacion hapësinor jashtë orbitës.
Imagjinoni të udhëtoni bashkë me prindërit tuaj nga dhoma juaj e rehatshme e gjumit, ose të merrni një mini-sezon pushimesh në Paris me disa miq tuaj nga e gjitë bota, e gjitha kjo vetëm një kufje VR larg.
Sigurisht që grafikat nuk janë super realiste, por jemi vetëm në hapat e parë të kësaj teknologjie. Nuk do të vonojë shumë kur dikush të zhvillojë një version “Jeta e dytë” të teknologjisë VR, dhe më pas gjërat do të ndryshojnë vërtet.
Versioni Gear VR i aplikacionit u lançua në Dhjetor, por tani kompania po mirëpret përdoruesë të limituar për akses të hershëm në versionin Google Cardboard të aplikacionit.
Edhe pse mënyra më e mirë për të përdorr aplikacionin janë pajisjet e sipërpërmendura, ju mund ta përdorni edhe vetëm me smartphone-in, përsa kohë që bën pjesë në listën e zgjedhur, duke përfshirë smartphone-at Nexus, Samsung, LG ose HTC.
/Publikuar nga Mashable.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
