Qendra për Kontrollin dhe Parandalimin e Sëmundjeve në Shtetet e Bashkuara të Amerikës (C.D.C.) ka njoftuar zyrtarët e shëndetit publik në 50 shtete të përgatiten për shpërndarjen e vaksinës kundër koronavirusit. Vaksina do të shpërndahet fillimisht për punonjësit e kujdesit shëndetësor dhe grupet me rrezik të lartë infeksioni, brenda fundit të muajit tetor dhe fillimit të nëntorit.
Ky udhëzim i C.D.C është shenja më e fundit e garës që po bëhet për krijimin e vaksinës kundër pandemisë që ka marrë më mbi 184,000 jetë njerëzish në Amerikë. Dokumentet u dërguan javën e kaluar, të njëjtën ditë që Presidenti Trump tha se një vaksinë mund të ishte gati para fundit të vitit.
Lexoni: I riu që humbi 7 familjarë nga COVID-19, i pari që teston vaksinën e Oxford
Gjatë javës së kaluar, si Dr. Anthony S. Fauci, eksperti më i mirë i sëmundjeve infektive në SHBA, ashtu edhe Dr. Stephen Hahn, i cili kryeson Administratën e Ushqimeve dhe Barnave, kanë thënë se një vaksinë mund të jetë gati për grupe të caktuara para se të përfundojnë provat klinike, nëse të dhënat do të ishin jashtëzakonisht pozitive.
Ekspertët e shëndetit publik pajtohen që shtetet duhet të përgatiten urgjentisht për të vaksinuar qindra miliona amerikanë.
Por mundësia e shpërndarjes së një vaksine në fund të tetorit ose në fillim të nëntorit ka rritur shqetësimet se administrata Trump po kërkon të nxitojë shpërndarjen e saj – ose thjesht të sugjeruar se një gjë e tillë është e mundur – para Ditës së Zgjedhjeve në 3 nëntor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
