RANCHOS PALOS VERDES, California —Amazon, jo vetëm gjigand i e-commerce, po kërkon të shtrijë “hegjemoninë” jo vetëm online. Kësaj radhe kompania më e madhe rishitëse në botë po merr seriozisht në konsideratë zgjerimin e eksperimentit të saj me dyqanet e librave.
Gjatë konferencës Code në një intervistë të gjatë me Walt Mossberg të dhënë për The Verge, themeluesi dhe CEO i Amazon Jeff Bezos shpjegoi se përveç hapjes së dyqanit të librave (bookstore) në Seattle, Washington dhe pas asaj të shpallur në San Diego, California, kompani ka gjasa të hapë edhe të tjerë.
Por plani i dyqaneve fizike është larg prej vënies në realitet. Patjetër, përveç shitjes së librave, Bezos dhe Amazon janë duke eksperimentuar në mënyrë konstante në mënyrë që të zbulojnë atë se çfarë duhet të bëjë një Amazon Bookstore. Praktikisht ajo është duke vlerësuar se cili është formati i duhur, masa e dyqanit, përqasja e duhur për shitjet dhe sa duhet të implementojë një dyqan i tillë “Kartën e Anëtarësisë”.
Edhe pse bën lajm për shumë nga ne, Bezos tashmë e ka bërë një zakon biznesi të tijin të provojë “mbi toka të pashkelura”, gjë që natyrisht nuk shkon me llojin tipik të biznesit online të Amazon. Rasti i tillë ishte blerja e Washington Post në 2013-n për 250 milionë $. Por Bezos vetë shprehet për Amazon se “nuk mendoj se jemi të lidhur me ndonjë teknologji apo aftësi të veçantë.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
