Një sërë kompanish të mëdha të teknologjisë dhe mediave kanë nënshkruar një letër të hapur duke akuzuar gjigantët e teknologjisë se nuk kanë arritur t’i sjellin bizneset e tyre në përputhje të plotë me rregullat e konkurrimit dixhital të Bashkimit Evropian.
Sipas Aktit të Tregjeve Dixhitale të BE-së, kompanitë me më shumë se 45 milionë përdorues aktivë mujorë dhe një kapitalizim tregu mbi 81.2 miliardë dollarë konsiderohen si “portierët”.
Atyre u kërkohet që, për shembull, t’i bëjnë aplikacionet e tyre të mesazheve të funksionojnë me ato të rivalëve dhe t’i lënë përdoruesit të vendosin se cilat aplikacione vijnë të parainstaluara me pajisjet e tyre.
Një kërkesë tjetër e BE-së është që këto platforma të mos zbatojnë praktika që çojnë në “vetëpreferencën” e shërbimeve të tyre ndaj të tjerëve.
Letra e hapur, e cila u nënshkrua nga grupi mediatik ndërkombëtar Schibsted, motori i kërkimit miqësor ndaj mjedisit Ecosia, motori i kërkimit i përqendruar në privatësi Qwant, aplikacioni i mesazheve të sigurta Element dhe shërbimi VPN, ProtonVPN, thanë se “portierët” kanë dështuar të angazhohen në një dialog me palët e treta, ose kanë paraqitur zgjidhje që nuk përputhen me DMA.
“Nënshkruesit e kësaj letre përfaqësojnë mijëra biznese të prekura nga DMA. Ata i nxisin portierët që të angazhohen sa më shpejt të jetë e mundur me përdoruesit e biznesit dhe palët e tjera të interesuara, si biznesi dhe shoqatat e konsumatorëve, në një dialog konstruktiv dhe të bëjnë përparim të shpejtë në zgjidhjet e tyre të propozuara të pajtueshmërisë”, shkruhej ne letër.
Ata gjithashtu i bëjnë thirrje Komisionit Evropian dhe Parlamentit Evropian që të përdorin të gjitha fuqitë e tyre për të siguruar që “portierët” të jenë në përputhje me letrën dhe frymën e DMA, duke filluar nga 7 marsi 2024.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
