Amazon investon në startup-in e makinave autonome

Amazon

Amazon njoftoi se do të blejë Zoox, një startup për sistemin e vetë-drejtimit të makinave, i themeluar në vitin 2014. Amazon do ta përdorë teknologjinë e startup-it në makinat autonome.

Zoox do të vazhdojë të ekzistojë si një biznes i pavarur, sipas njoftimit të Amazon, me CEO-n aktuale, Aicha Evans. Misioni i përgjithshëm i kompanisë gjithashtu do të mbetet i njëjtë. Financial Times raporton se marrëveshja arrin vlerën e 1.2 miliardë dollarëve.

Vitin e kaluar Amazon ka investuar 530 milionë dollarë në startup-in e automjeteve autonome Aurora dhe ka testuar kamionët vetë-drejtues të mundësuar nga startup-i i mallrave Embark.

Lexoni: Numri 23 i revistës vjen tek ju me intervista, histori frymëzuese e vrojtime

Wall Street Journal raportoi në fund të majit se Amazon po e shikonte Zoox si një objektiv të mundshëm blerjeje dhe se marrëveshja kishte përparuar. Zoox ka zgjedhur një nga rrugët më të vështira për të hyrë në industrinë e makinave autonome duke ndërtuar jo vetëm sistemet dhe softuerin, por edhe vetë makinën.

Me mbështetjen e Amazon startupi mund të rivalizojë Waymo, projektin e Google për makinat autonome.

Ndërkohë, nëse Zoox vazhdon në rrugën e duhur, kjo mund të hapë një treg krejt të ri për Amazon – i cili do ta vinte kokë më kokë me Uber dhe Lyft pasi të maturohet teknologjia autonome e drejtimit.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale