Numri 23 i revistës vjen tek ju me intervista, histori frymëzuese e vrojtime

Numri 23 i revistës

Shumë prej nesh mund ta kenë ulur ritmin e punës, ose edhe e kemi përshpejtuar ku kemi pasur mundësi, në mënyrë që t’i kundërpërgjigjeshim situatës së pandemisë. Në rastin e revistës, pandemia na frenoi të nxirrnim revistën në print, por nuk e rrezoi këtë mundësi.

Numri 23 i Revistës vjen tek ty me zhvillimet e muajve të fundit dhe histori suksesi në fushën e biznesit. Si u menaxhua situata në fillimet e pandemisë? Cilat ishin masat sociale dhe ekonomike? Si reaguan kompanitë ndaj pandemisë? Të gjitha këto mund t’i lexoni që në faqet e para të revistës, ndërsa në brendësi do të gjeni histori interesante dhe frymëzuese.

Tri sipërmarrëse në fushën e kozmetikës vijnë së bashku duke treguar përvojat e tyre.

Nëse doni të mësoni diçka më shumë për meditimin, lexoni intervistën e Sheki Usein.

Arbër Hajdari, i njohur për ju tregon se si e ka nisur dhe cilat janë planet e tij me “Fundjavë Ndryshe”.

Një formë shitje që u ka mbijetuar situatave të ndryshme është network marketing. Intervistat me përfaqësues të kompanive që përdorin pikërisht këtë formë shitje, vijnë në brendësi të revistës. Network marketing cilësohet edhe si një mundësi për të zhvilluar një punë të dytë.

Një vrojtim në industrinë e lojërave online, tregon se si po zhvillohen këto biznese dhe po zhvendosin online edhe audioncën dhe fushatat e marketingut.

Korça është një nga qytetet që po investon jo vetëm në zhvillimin e turizmit, por edhe në fushën e teknologjisë së informacionit, duke synuar të bëhet nja atraksion për të rinjtë që duan të punojnë e jetojnë atje. Ne kemi zhvilluar një intervistë me kryetarin e Bashkisë. Ju ftojmë ta lexoni, krahas historive dhe këshillave që kemi sjellë në këtë numër.

Ju mund të shkarkoni Këtu numrin 23 të Revistës.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale